کلونجی کا تیل جلد اور بالوں کیلئے بھی مفید

کلثوم ہرا

27th Oct, 2021. 12:28 am

کلونجی کی افادیت سے تو ہر کوئی واقف ہے جبکہ اس سے حاصل کیے جانے والے تیل کے بھی بے شمار فوائد ہیں جنہیں جاننا اور اس کا استعمال کرنا صحت کے لئے بہت ضروری ہے۔

کلونجی کا تیل اپنے اندر خوبصورتی کے راز  سموئے ہوئے ہے، بے رونق جِلد اور روکھے بالوں سے پریشان افراد کے لئے کلونجی کا تیل  بے حد مفید ثابت ہو سکتا ہے۔

ماہرین کے مطابق بالوں کی جڑوں اور جلد کو نم رکھنے کے لئے کلونجی کا تیل بہترین آپشن ہے۔

جلد پر کسی قسم کا سیرم یا تیل استعمال نہ کرنے کے سبب جِلد خشک رہنے سے چہرے پر وقت سے پہلے جھریاں نمودار ہو جاتی ہیں اور بالکل اسی طرح بالوں کی اگر دیکھ بھال نہ کی جائے تو یہ عمر سے پہلے جھڑ سکتے ہیں۔

اینٹی بیکٹیریل خصوصیات کے سبب کلونجی کے تیل سے چہرے کی جلد پر مساج کرنے سے ایکنی کا خاتمہ ہوتا ہے اور کیل مہاسوں کی افزائش میں کمی آتی ہے۔

ماہرین کے مطابق کلونجی کے تیل کے استعمال سے جِلدی انفیکشن اور الرجی میں آرام آتا ہے۔

اس کے علاوہ کلونجی کے تیل کے استعمال سے بالوں کی خشکی ختم ہوتی ہے، بال جھڑنا بند ہو جاتے ہیں اور بے خوابی کی شکایت میں بھی آرام آتا ہے۔

ماہرین کا کہنا ہے کہ ہفتے میں دو سے تین بار کلونجی کے تیل کے استعمال کے نتیجے میں بالوں میں جان آجاتی ہے، بال لمبے، گھنے اور مضبوط ہوتے ہیں اور چہرے کی جِلد صاف شفاف ہو جاتی ہے۔

Square Adsence 300X250