آرمی چیف جنرل قمر جاوید باجوہ نے کہا ہے کہ پاکستان کرکٹ ٹیم نے ہم سب کا سر فخر سے بلند کر دیا۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے بھارت کے خلاف شاندار جیت پر قومی کرکٹ ٹیم کو مبارکباد پیش کی ہے۔
آرمی چیف جنرل قمر جاوید باجوہ کا مزید کہنا تھا کہ ٹی ٹونٹی ورلڈ کپ میں شاندار کارکردگی کے ساتھ بھارت کے خلاف واضح کامیابی پر قومی ٹیم کو مبارکباد پیش کرتا ہوں ، پاکستان کرکٹ ٹیم نے ہم سب کا سر فخر سے بلند کردیا۔
یاد رہے ٹی ٹوئنٹی ورلڈ کپ کے سپر 12 مرحلے کے چوتھے میچ میں پاکستان نے روایتی حریف بھارت کو شکست دے کر نئی تاریخ رقم کر دی ہے،پاکستان نے بھارت کو 10 وکٹوں سے عبرت ناک شکست دے دی۔
قومی کرکٹ ٹیم کے کپتان بابر اعظم نے ٹاس جیت کر پہلے باؤلنگ کا فیصلہ کیا ، بھارتی بیٹسمینوں کا آغاز ہی مایوس کن تھا،بھارتی اوپنر شاہین شاہ آفریدی کے سامنے بے بس نظر آئے۔
بھارتی ٹیم نے پہلے بیٹنگ کرتے ہوئے 151 رنز بنائے،کپتان ویرات کوہلی نے شاندار اننگ کھیلتے ہوئے 57 رنز بنائے اور شاہین شاہ آفریدی کی گیند پر آؤٹ ہوئے۔ریشابھ پانٹ 39،سوریا کمار یاداو اور ہاردک پانڈیا نے 11،11 رنز بنائے،رویندر جڈیجا،13 جبکہ تجربہ کار بیٹسمین روہٹ شرما صفر پر پویلین لوٹ گئے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News