سونے کی قیمت میں بڑا اضافہ

وریشہ مسعودویب ایڈیٹر

18th Oct, 2021. 07:30 pm
سونے کی قیمت میں حیران کن اضافہ

پاکستان بھر میں کاروباری ہفتے کے پہلے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1700 روپے اضافے کے بعد 1 لاکھ 19 ہزار 900 روپے ہوگئی ہے جبکہ 10 گرام سونے کی قیمت 1457 روپے اضافے کے بعد 1 لاکھ 2 ہزار 623 روپے ہوگئی ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں  سونے کی فی تولہ قیمت 1700 روپے اضافے کے بعد 1 لاکھ  19 ہزار 900 روپے ہوگئی ہے جبکہ 10 گرام  سونے کی قیمت 1457 روپے اضافے کے بعد 1 لاکھ 2 ہزار 623 روپے ہوگئی ہے۔

ایسوسی ایشن کے مطابق عالمی صرافہ مارکیٹ میں سونے کی قدر 4 ڈالر کم ہو کر ایک ہزار 767 ڈالر ہے۔

دوسری جانب انٹر بینک میں ڈالر کی قیمت میں کاروباری ہفتے کے پہلے روز اضافہ ریکارڈ کیا گیا ہے۔

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 1.6 روپے کا اضافہ ریکارڈ کیا گیا ہے۔

فاریکس ڈیلرز کے مطابق انٹربینک میں ڈالر 171.18 سے بڑھ کر 172.78 روپے  پر بند ہوا ہے۔

علاوہ ازیں پاکستان اسٹاک ایکسچینج میں کاروباری ہفتے کے پہلے روز انڈیکس میں ملاجلا رجحان ریکارڈ کیا گیا ہے۔

پاکستان اسٹاک ایکسچینج (پی ایس ایکس) میں کاروباری ہفتے کے پہلے روز ملاجلا رجحان رہا تاہم کے ایس ای-100 انڈیکس 192 پوائنٹس کی کمی سے 44 ہزار 629 پر بند ہوا۔

دن بھر مجموعی طور پر 328 کمپنیوں کے شیئرز میں کاروبار ہوا جن میں 113 کمپنیوں کے شیئرز کی قیمتوں میں اضافہ ہوا جبکہ 215 کمپنیوں  کے شیئرز کی قیمتوں میں کمی ہوئی۔

Square Adsence 300X250