پاکستان پیپلزپارٹی کے چیئرمین بلاول بھٹو زرداری نے کہا ہے کہ موجودہ وفاقی حکومت عوام کا معاشی قتل کر رہی ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے شہر کی یونین کونسل ون کے دورے کے دوران کارکنان سے خطاب کرتے ہوئے کہا کہ عوام ساتھ دے گلگت بلتستان اور کشمیر کے پہاڑوں سے لیکر سندھ اور بلوچستان تک ان کا مقابلہ کریں گے۔

پاکستان پیپلزپارٹی کے چیئرمین نے کہا کہ موجودہ وفاقی حکومت عوام کا معاشی قتل کر رہی ہے، اس ظالم حکومت کے خلاف اگر کوئی ڈٹ کر کھڑا ہے تو وہ شہید ذوالفقار علی بھٹو کی جماعت پیپلز پارٹی ہے۔

بلاول بھٹو زرداری نے پیپلز پارٹی کے علاوہ وفاقی حکومت کے خلاف جدو جہد کرنے والی ن لیگ، جے یو آئی ف و دیگر جماعتوں کو منافق قرار دے دیا۔

پاکستان پیپلزپارٹی کے چیئرمین بلاول بھٹو زرداری کا مزید کہنا تھا کہ اپوزیشن جماعتیں بکی ہوئی اور منافق ہیں ، عوام ساتھ دے گلگت بلتستان اور کشمیر کے پہاڑوں سے لیکر سندھ اور بلوچستان تک ان کا مقابلہ کریں گے۔

واضح رہے اس سے قبل پاکستان پیپلزپارٹی کے چیئرمین بلاول بھٹو زرداری نے اجلاس کی صدارت کرتے ہوئے کہا تھا کہ لاڑکانہ میں عوامی مسائل کے حل کے تسلسل کو جاری رکھا جائے۔

بلاول بھٹو زرداری  نے کہا تھا کہ لاڑکانہ ملک میں جمہوریت کا ایک استعارہ ہے، یہاں کے عوام کی قربانیاں ناقابل فراموش ہیں، لاڑکانہ کے مسائل کے حل کے تسلسل میں کوئی رکاوٹ برداشت نہیں کروں گا

پاکستان پیپلزپارٹی کے چیئرمین بلاول بھٹو زرداری نے تنظیمی عہدیداران اور عوامی نمائندگان سے گفتگو  کرتے ہوئے مزید کہا تھا کہ لاڑکانہ والے ملک میں مزاحمتی سیاست کی ایک علامت ہیں، یہاں کی ہر خوشی، ہر غم اور ہر مسئلے کو اپنا معاملہ سمجھتا ہوں، لاڑکانہ کے ہر فرد سے دلی رشتہ محسوس کرتا ہوں، کسی قیمت پر آپ کا ساتھ نہیں چھوڑوں گا۔