حکومت نے خود ساختہ مہنگائی کی ہوئی ہے، یوسف رضا گیلانی

مریم اقبال

18th Oct, 2021. 05:46 pm

سابق وزیراعظم سید یوسف رضا گیلانی نے کہا ہے کہ حکومت نے خود ساختہ مہنگائی کی ہوئی ہے۔

تفصیلات کے مطابق سابق وزیراعظم سید یوسف رضا گیلانی نے میڈیا سے گفتگو کرتے ہوئے کہا ہے کہ عید میلادالنبیﷺ کے موقع پر پوری قوم کو مبارکباد پیش کرتا ہوں۔

انہوں نے کہا کہ اس حکومت نے پارلیمنٹ کو نظر انداز کیا ہوا ہے ، حکومت میں ٹیم ورک کا تاثر نہیں ملتا ، یہ ڈیلی ویجز پر کام کررہے ہیں ، ہم نے آرمی چیف کو توسیع دی یا ڈی جی آئی ایس آئی کی تعیناتی ہوئی کسی کو کانوں کان خبر نہ ہوئی ،  یہ حساس معاملات ہوتے ہیں۔

سابق وزیراعظم سید یوسف رضا گیلانی نے کہا کہ حکومت نے خود ساختہ مہنگائی کی ہوئی ہے ، عالمی دنیا کی یہ بات کرتے ہیں مگر وہاں پر سہولیات زیادہ ہیں ، دوسرے ممالک میں صحت، تعلیم اور بنیادی سہولیات حکومت فراہم کرتی ہے۔

اس سے قبل سابق وزیر اعظم سید یوسف رضا گیلانی نے میڈیا کنونشن سے خطاب کرتے ہوئے کہا تھا کہ جب مجھے اس تقریب میں شرکت کی دعوت دی گئی تو میں عالمی کلائمیٹ چینج کی کانفرنس میں شرکت کے لیے جا رہا تھا۔

انہوں نے کہا تھا کہ روم میں میری اعلیٰ سطحی ملاقاتیں شیڈول تھیں ، مجھے روانگی سے دو گھنٹے قبل بتایا گیا کہ میرا نام ای سی ایل میں ہونے کی وجہ سے بیرون ملک سفر نہیں کر سکتا ، وزارت داخلہ کی جانب سے بتایا گیا کہ 2013 سے میرا نام ای سی ایل میں ہے ، صوبوں کے حقوق اگر پہلے دیے جاتے تو مشرقی پاکستان الگ نا ہوتا۔

سابق وزیر اعظم سید یوسف رضا گیلانی نے کہا تھا کہ ذوالفقار علی بھٹو کو ہٹا کر سیاست سے دور رکھا گیا ، میں سمجھتا ہوں میڈیا کا جمہوری روایات کے تحفظ میں بہت بڑا رول ہے ، ڈکٹیٹر اور جمہوری لیڈرز نے یہی وعدہ کیا کہ ہم آئین کو اصل حالت میں بحال کریں گے ، تمام سیاسی قوتوں کا شکریہ ادا کرتا ہوں کہ ہم نے 73 کے آئین کو اصل حالت میں بحال کیا ہے۔

یوسف رضا گیلانی نے کہا تھا کہ اسلام آباد میں صحافیوں کے احتجاج میں تمام سیاسی لیڈر شپ نے صحافت پر قدغن کی بھرپور مخالت کی ، پیپلز پارٹی جمہوری پارٹی اور آئین کی طاقت پر یقین رکھتی ہے ، آج دو نوبل پرائز بھی صحافیوں کو ملا ہے ، ہم نے ہر دور میں غلط کام کی مخالفت کی ہے ، ہم شروع سے ہی کالے قوانین کے خلاف ہیں، اور ایکسس ٹو انفارمیشن کو عوام کا حق قرار دیا۔

انہوں نے کہا تھا کہ ہم صحافیوں کے جائز مطالبات کی بھرپور حمایت کرتے ہیں ، پیپلز پارٹی ایک میچور جماعت ہے جس کی طویل تاریخ ہے ، ہم ملک کے مسائل کو حل کرنے کے لئے مخلص ہیں ، ہم افغانستان کی صورتحال، ملک کے داخلی حالات پر کام کر رہے ہیں ، ہمیں افغانستان کی صورتحال پر مجموعی طور پر بریفننگ دی جائے ، کسی حکومت کی کامیابی اور ناکامی کا انحصار اسکے منشور پر عملدرآمد پر منحصر ہے۔

سابق وزیر اعظم سید یوسف رضا گیلانی نے کہا تھا کہ پی ٹی آئی نے اپنا منشور دیا تھا جس پر وہ عملدرآمد میں ناکام ہوئے ہیں ، میں نے میثاق جمہوریت پر 85 فیصد عملدرآمد کیا تھا ، مجھے یقین ہے کہ سیاسی و جمہوری پارٹیاں اپنا رول ادا کرتی رہیں گی۔

Square Adsence 300X250

مزید پڑھیں