پاکستان بھر میں کاروباری ہفتے کے پانچویں روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1400 روپے اضافے کے بعد 1 لاکھ 25 ہزار 600 روپے ہوگئی ہے جبکہ 10 گرام سونے کی قیمت1201 روپے اضافے کے بعد 1 لاکھ 7 ہزار 682 روپے ہوگئی ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں  سونے کی فی تولہ قیمت 1400 روپے اضافے کے بعد 1 لاکھ 25 ہزار 600 روپے ہوگئی ہے جبکہ 10 گرام  سونے کی قیمت 1201 روپے اضافے کے بعد 1 لاکھ 7 ہزار 682 روپے ہوگئی ہے۔

ایسوسی ایشن کے مطابق عالمی مارکیٹ میں8 ڈالرکے اضافے سے فی اونس سونا1793 ڈالر پر پہنچ گیا ہے۔

دوسری جانب انٹر بینک میں ڈالر کی قیمت میں کاروباری ہفتے کے آخری روز اضافہ ریکارڈ کیا گیا ہے۔

Interbank closing #ExchangeRate for today: https://t.co/2a1OIgLdAf pic.twitter.com/xSAS5QIfFR

— SBP (@StateBank_Pak) October 22, 2021

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 0.04 پیسے کا اضافہ ریکارڈ کیا گیا ہے۔

فاریکس ڈیلرز کے مطابق انٹربینک میں ڈالر 173.96 سے بڑھ کر 174.00 روپے  پر بند ہوا ہے۔

علاوہ ازیں پاکستان اسٹاک ایکسچینج میں کاروباری ہفتے کے آخری روز انڈیکس میں منفی رجحان ریکارڈ کیا گیا ہے۔

 پاکستان اسٹاک ایکسچینج (پی ایس ایکس) میں کاروباری ہفتے کے آخری روز انڈیکس میں منفی رجحان ریکارڈ رہا تاہم مارکیٹ 243پوائنٹس کی کمی سے 45ہزار578پر بند ہوئی۔

دن بھر مجموعی طور پر 347 کمپنیوں کے شیئرز میں کاروبار ہوا جن میں 127 کمپنیوں کے شیئرز کی قیمتوں میں اضافہ ہوا جبکہ 211 کمپنیوں  کے شیئرز کی قیمتوں میں کمی ہوئی۔