افغانستان کی خواتین فٹ بال ٹیم،ایتھلیٹس اور ان کے اہل خانہ بحفاظت دوحہ پہنچ گئے ہیں۔
عالمی میڈیاکے مطابق قطری ایئرلائن کے ذریعے کابل سے 357 مسافر دوحہ پہنچے ہیں، ان مسافروں میں خواتین فٹ بال ٹیم اور خواتین ایتھلیٹس کے علاوہ ان کے اہل خانہ بھی شامل ہیں۔
خواتین فٹبالرز اور ایتھلیٹس کی افغانستان سے انخلا میں فیفا اور قطر نے اہم کردار ادا کیا ہے۔
ان کھلاڑیوں کو اب دوحہ میں افغان پناہ گزینوں کے مختص ایک کمپاؤنڈ میں رکھا گیا ہے۔
طالبان کے افغانستان میں اقتدار سنبھالنے کے بعد سے کابل سے دوحہ آنے والی یہ آٹھویں اور سب سے بڑی پرواز ہے۔
فیفا نے انخلا پر خوشی کا اظہار کرتے ہوئے کہا کہ خواتین کھلاڑیوں کی جانوں کو خطرے کے پیش نظر افغانستان سے نکالنے میں اپنا کردار ادا کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News