جناح پولو اینڈ کنٹری کلب کے زیراہتمام پولو سیزن 2021-22 کا پہلاٹورنامنٹ

زاہد فاروق ملک رپورٹر

11th Oct, 2021. 11:15 pm

جناح پولو اینڈ کنٹری کلب کے زیراہتمام پولو سیزن 2021-22 کے پہلےٹورنامنٹ کا منگل سے آغاز ہو رہا ہے۔

تفصیلات کے مطابق جناح پولو اینڈ کنٹری کلب کے صدر لیفٹیننٹ کرنل (ر) شعیب آفتاب کا کہنا ہے کہ  پاکستان کے دل لاہور میں 109 ایکٹر پر واقع انتہائی خوبصورت پولو کلب میں اس سال زندہ دلان لاہور کو انتہائی بہترین مقابلے دیکھنے کو ملیں گے۔

ان کا کہنا تھا کہ  یہ پہلا ٹورنامنٹ 2 گول کا ٹورنامنٹ ہے ۔

 صدر کلب کا کہنا تھا کہ جناح پولو فیلڈز انٹرنیشنل معیار کی انتہائی خوبصورت فیلڈز ہیں جس میں ایک پریکٹس فیلڈ کا اضافہ کیا گیا ہے جبکہ  انٹرنیشنل معیار کے گھوڑوں کے اصطبل بھی نئے بنائے گئے ہیں۔

ان کا کہنا تھا کہ پولو کپ 2021ء میں چار ٹیمیں شامل ہیں جن میں چار کورپس، مکسڈ بیگ، ایف سی پولو ٹیم اور ڈائمنڈ پینٹس  کی ٹیمیں شامل ہیں۔

شعیب آفتاب کا کہنا تھا کہ چار کورپس کی ٹیم میں محمد مطلوب ایزد، لیفٹیننٹ کرنل سلیم بابو، نائیک قربان اور میجر فیضان تصدق بھٹہ شامل ہیں۔

مکسڈ بیگ میں اسد بن عمر، صوفی محمد ہارون، دانیال شیخ اور عمر اسجد ملہی شامل ہیں۔

 ایف سی پولو ٹیم میں کیپٹن ارسلان، حوالدار ضیاء الرحمان،نائب صوبیدار اسرار ولی اور حوالدار شہزاد احمد جبکہ ڈائمنڈ پینٹس  میں ابراہیم سلطان، عثمان عزیز انور، میر حذیفہ احمد اور راجہ جلال ارسلان شامل ہیں۔

12 اکتوبر بروز منگل کو سہ پہر چار بجے چار کورپس کا مقابلہ مسکڈ بیگ کے ساتھ، بدھ 13 اکتوبر کو ایف سی کا مقابلہ ڈائمنڈ پینٹس  کے ساتھ ہوگا ،اسی طرح پورا ہفتہ مقابلوں کے بعد سب سڈری اور مین فائنل اتوار 17 اکتوبر کو کھیلے جائیں گے۔

Square Adsence 300X250