وفاقی وزیر برائے منصوبہ بندی اسد عمر نے کہا ہے کہ سردی کے ساتھ کورونا کے پھیلاؤ میں اضافے کا خطرہ ہے۔
تفصیلات کے مطابق وفاقی وزیر برائے منصوبہ بندی اسد عمر نے ٹوئٹر پر جاری ایک پیغام میں کہا ہے کہ سروے کے مطابق 86 فیصد عوام یہ سمجھتی ہے کہ کورونا پر جلد قابو پا لیا جائے گا۔
وفاقی وزیر برائے منصوبہ بندی اسد عمر نے کہا ہے کہ عوام کے اس اعتماد پر تہہ دل سے مشکور ہیں لیکن یہ جب ممکن ہو گا اگر لوگ جلد از جلد ویکسین لگوائیں گے ورنہ سردی کے ساتھ کورونا کے پھیلاؤ میں اضافے کا خطرہ ہے۔
سروے کے مطابق 86٪ عوام سمجھتے ہیں کہ کرونا پر جلد قابو پا لیا جائے گا. عوام کے اس اعتماد پر تہہ دل سے مشکور ہیں، لیکن یہ جب ممکن ہو گا اگر لوگ جلد از جلد ویکسین لگوائیں گے. ورنہ سردی کے ساتھ کرونا کے پھیلاؤ میں اضافے کا خطرہ ہے https://t.co/Q9VavvhUwK
Advertisement— Asad Umar (@Asad_Umar) October 15, 2021
دوسری جانب این سی او سی کا کہنا ہے کہ بازار ہفتے کے ساتوں دن کھلے رہیں گے۔
این سی او سی کا کہنا ہے کہ کم بیماری کے پھیلاؤ اور جاری ویکسینیشن مہم کےتناظر میں فورم نے ملک بھر میں ہفتہ وار ایک دن کی لازمی بندش کو ختم کر دیا ہے۔
این سی او سی کا کہنا ہے کہ این پی آئیز کا نفاذ 16 سے 31 اکتوبر تک جاری رہے گا ، ان ڈور شادی کی تقریبات میں شرکا کی تعداد کو 200 سے بڑھا کر 300 کر دیا ہے جبکہ آؤٹ ڈور شادی کی تقریبات میں 400 سے بڑھا کر 500 افراد کو شرکت کی اجازت دے دی گئی ہے۔
اس کے علاوہ سینیما اور مزارات کو بھی مکمل ویکسین شدہ افراد کے لیے کھول دیا گیا ہے ، 28 اکتوبر کو این سی او سی کے اجلاس میں موجودہ این پی آیئز پر نظر ثانی کی جائے گی۔
این سی او سی کا کہنا ہے کہ فورم نے اس امر پہ زور دیا کہ عوام کو ویکسینیشن کے عمل کو قومی فریضے کے طور پہ اپنانا ہو گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News