روس کے دارالحکومت ماسکو میں طوفانی بارش اور تیز ہواؤں سے غیر معمولی گرم موسم کا خاتمہ ہوگیا ہے۔
خبر ایجنسی کے مطابق ماسکو میں گزشتہ روز ہونے والی تیز بارش اور ہواؤں سے درخت جڑ سے اکھڑ گئے جبکہ سڑکیں تالاب بن گئیں۔
سیلاب اور حد نگاہ متاثر ہونے سے میٹرو سروس بھی معطل کرنی پڑی جبکہ طوفانی بارش کے باعث فلک بوس عمارت بھی نظروں سے اوجھل ہوگئی۔
خبر ایجنسی کا کہنا ہے طاقتور ہواؤں سے صدارتی دفتر کریملن کی چھت پر لگے تختے زمین پر آگرے ۔
ہنگامی حالات کی وزارت کے مطابق شہر میں تیز ہوا کے جھونکے 20 میٹر فی سیکنڈ تک پہنچ جائیں گے۔
ایمرجنسی ڈیپارٹمنٹ نے ماسکو میں تیز ہواؤں کے بارے میں خبردار کیا۔ شہریوں کو مشورہ دیا گیا کہ وہ متحاط رہیں اور درختوں کے قریب کاریں نہ کھڑی کریں۔
کریملن کی دیوار پرلگائی گئی حفاظتی باڑ کے جزوی طور پر گرنے کے بعد ریڈ اسکوائرکو جانے والا راستہ بند کر دیا گیا تھا۔ تاہم اس حفاظتی باڑ کے گرنے سے کوئی جانی نقصان نہیں ہوا۔
واضح رہے کہ رواں ماہ کے شروع میں ماسکو کا درجہ حرارت 34 ڈگری سے زائد ریکارڈ کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News