پاکستان مسلم لیگ ن کے مرکزی رہنما اور پارٹی کے سیکرٹری جنرل احسن اقبال کا کہنا ہے کہ پاکستان میں احتساب کے نظام کو مذاق بنا دیا گیا ہے۔
تفصیلات کے مطابق پاکستان مسلم لیگ ن کے مرکزی رہنما اور پارٹی کے سیکرٹری جنرل احسن اقبال نے لاہور میں میڈیا سے گفتگو کرتے ہوئے کہا کہ عدالتی اور احتساب کے نظام پر سوالیہ نشانات اٹھائے جارہے ہیں، نیب احتساب گردی کے ذریعے جھوٹے مقدمات بنا رہا ہے۔
احسن اقبال نے کہا کہ 5 سالوں میں 3200 ارب روپے کے ترقیاتی کام کروائے، 32 روپے کی کرپشن دکھا دیں، حکومت نےعوام پر مہنگائی کا ایٹم بم چلایا، آنے والے دنوں میں مہنگائی کے مزید ایٹم بم چلیں گے۔
انہوں نے کہا کہ عوامی احتجاج پروگرام ملکی سطح پر چلے گا، حکومت کے خلاف احتجاج کی حتمی منزل اسلام آباد ہوگی۔
مسلم لیگ ن کے مرکزی رہنما کا کہنا ہے کہ سی پیک کو کسی بھی طرح متنازع نہیں بنانا چاہیے، روز روپیہ ڈالر کے مقابلے میں گررہا ہے، حکومت کا فرض ہے معاشی بنیادوں کو مستحکم کرے۔
احسن اقبال نے کہا کہ سی پیک کے تمام منصوبے ہمارے دور کے لگائے ہوئے ہیں، ملک میں بےیقینی صورتحال پر سرمایہ کاری نہیں ہوگی، ہمارے دورمیں سی پیک کے ذریعے 29 ارب ڈالر کی سرمایہ کاری ہوئی، سی پیک نے تعلقات کو اسٹریٹجک پارٹنرشپ میں تبدیل کیا۔
پاکستان مسلم لیگ ن کے مرکزی رہنما اور پارٹی کے سیکرٹری جنرل احسن اقبال نے مزید کہا کہ کسی ملک کی کرنسی گرے تو کوئی بیرونی سرمایہ کار نہیں آئے گا، پاکستان اور چین کے تعلقات بہت قریبی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News