وفاقی وزیر اطلاعات فواد چوہدری نے کہا ہے کہ مولانا فضل الرحمان کی سیاست اب ختم ہوچکی ہے۔
تفصیلات کے مطابق وفاقی وزیر اطلاعات فواد چوہدری نے میڈیا سے گفتگو کرتے ہوئے کہا ہے کہ حکومت رواں عشرے کو رحمت للعالمین ﷺ کے نام سے منسوب کرچکی ہے۔
انہوں نے کہا کہ وزیراعظم اور آرمی چیف کی ملاقاتیں ہوتی رہتی ہیں ، سارے معاملات حل ہوچکے ہیں،اپوزیشن کا کام ہی نقطہ چینی کرنا ہے ، آج آٹے اور چینی کی قیمتیں کم ہوئی ہیں ، گنے کی بمپر کراپ ہونے جارہی ہے،مستقبل میں چینی کی قیمتیں مزید کم ہونگی۔
وفاقی وزیر اطلاعات فواد چوہدری نے کہا کہ صرف سندھ میں آٹے کی قیمتیں زیادہ ہیں ، اپوزیشن کی بنیادی طور پر کوئی سیاسی سوچ نہیں ، اپوزیشن کرپشن مقدمات ختم کرانے کیلئے ڈیل کرنا چاہتی ہے ، اپوزیشن کی دکان پہلے چلی نہ اب چلے گی۔
فواد چوہدری نے کہا کہ مولانا فضل الرحمان کی سیاست اب ختم ہوچکی ہے ، مولانا کو مشورہ ہے کہ وہ لوگوں کے جلسوں کیلئے رینٹ کا کام شروع کردیں ، پورا ملک سبسڈی پر نہیں چلایا جاسکتا ، عالمی منڈی میں تیل کی قیمتیں کم ہونگی تو ہمارے ہاں بھی کم ہوجائینگی ، احتجاج کرنیوالوں سے پوچھیں کہ رواں سال 12ارب ڈالر کے قرضے کہاں سے واپس کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News