بالی ووڈ اداکار کنگ شاہ رخ خان کے بیٹے آریان خان کو این ڈی پی ایس ایکٹ کی 4 دفعات کے تحت گرفتار کیا گیا ہے۔
غیر ملکی خبر رساں ادارے کے مطابق اداکار کنگ شاہ رخ خان کے بیٹے آریان خان کو ان مقدمات میں انہیں 20 سال تک کی سزا ہوسکتی ہے۔
یاد رہے کہ شاہ رخ خان کے بیٹے آریان خان کو 2 اکتوبر کی رات منشیات کیس میں گرفتار کیا گیا تھا۔
نارکوٹکس کنٹرول بیورو (این سی بی) نے 2 اکتوبر کی رات ممبئی کے ساحل پر موجود ایک بحری جہاز پر منعقد ہونے والی ریو پارٹی پر اچانک چھاپہ مار کر غیر قانونی منشیات بر آمد کی تھی۔
تاہم اس بحری جہاز پر شاہ رخ خان کا بیٹا آریان خان بھی موجود تھا۔
گرفتاری کے پہلے 15 گھنٹے تک این سی بی نے آریان خان سے پوچھ تاچھ کی جس کے دوران آریان نے منشیات خریدنے کی بات کو تسلیم کیا۔
آریان خان کو این سی بی نے نارکوٹک ڈرگز اینڈ سائیکو ٹروپک سبسٹنس (این ڈی پی ایس) ایکٹ 1985 کے سیکشن 8سی، 20 بی، 27 اور 35 کے تحت گرفتار کیا ہے۔
این ڈی پی ایس کا سیکشن 8 سی منشیات خریدنے اور فروخت کرنے کا کیس ہے اور اگر آریان پر یہ الزام ثابت ہوگیا تو انہیں 6 ماہ سے لے کر 10 سال تک کی سزا ہوسکتی ہے۔
سیکشن 20 بی گانجا، چرس اورڈرگز رکھنے کا کیس ہے اور اس کیس میں 20 سال تک کی سزا ہوتی ہے لہذا اگر اریان خان پر یہ الزام ثابت ہوگیا تو انہیں 20 سال تک کی سزا ہوسکتی ہے۔
واضح رہے کہ گرفتاری کے بعد آریان خان کا جے جے ہسپتال میں باقاعدہ میڈیکل ٹیسٹ کروایا گیا جس کے بعد انہیں نارکوٹکس کنٹرول بیورو (این سی بی) کے دفتر لایا گیا۔
بعد ازاں انہیں عدالت میں پیش کیا گیا جہاں عدالت نے آریان کو 7 اکتوبر تک این سی بی کی تحویل میں بھیج دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News