کراچی کے علاقے شرافی گوٹھ سے سواری کی آڑ میں منشیات فروخت کرنے والا رکشہ ڈرائیور گرفتار کرلیاگیا ہے۔
تفصیلات کے مطابق پولیس کی جانب سے خفیہ اطلاع پر مشکوک رکشے کو چیک کیا گیا اور رکشے میں چھپائی گئی ڈیڑھ کلو سے زائد چرس برآمد کرلی گئی ہے۔
پولیس حکام کا کہنا ہے کہ پولیس نے رکشہ ڈرائیور کو گرفتار کر کے رکشے کو بھی تحویل میں لے لیا ہے جبکہ گرفتار ملزم اکبر کا کریمنل ریکارڈ بھی چیک کیا جا رہا ہے۔
پولیس کے مطابق ملزم نے ضلع ملیر اور کورنگی کے مختلف علاقوں میں منشیات فروخت کرنے کے علاوہ منشیات بیچنے والوں کو منشیات پہنچانے کا بھی انکشاف کیا ہے۔
واضح رہے کہ گرفتار ملزم کے خلاف مقدمہ درج کر کے مزید پوچھ گچھ کیلئے تفتیشی حکام کے حوالے کر دیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News