ٹی ٹوئنٹی ورلڈکپ میں ہونے والے پاک بھارت ٹاکرے کے لئے وزیر اعلیٰ گلگت بلتستان خالد خورشید نے پاکستان ٹیم کے لئے نیک خواہشات کا اظہار کیا ہے۔
تفصیلات کے مطابق وزیر اعلیٰ گلگت بلتستان خالد خورشید نے اپنے ایک بیان میں کہا کہ پاکستان کی باصلاحیت ٹیم آج انشاء اللہ انڈیا کو چاروں خانے چت کرےگی۔
وزیر اعلیٰ گلگت بلتستان کا کہنا تھا کہ پوری قوم آج کے میچ میں پاکستان کی فتح کے لئے دعا گو ہے ۔
ان کا کہنا تھا کہ ہماری کرکٹ ٹیم کسی بھی مدمقابل کو ہرانے کی بھرپور صلاحیت رکھتی ہے ۔
وزیر اعلیٰ گلگت بلتستان خالد خورشید نے مزید کہا کہ آج ایک بار پھر کرکٹ کے میدان میں پاکستان کا جھنڈا سر بلند ہوگا ۔
واضح رہے کہ پاکستان اور بھارت کی ٹیم آج شام 7 بجے دبئی کرکٹ اسٹیڈیم میں آمنے سامنے ہوں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News