ٹی ٹوئنٹی ورلڈ کپ وارم اپ میچ،پاکستان کے ہاتھوں ویسٹ انڈیز کو شکست

Muhammad Sultan

18th Oct, 2021. 06:53 pm

ٹی ٹوئنٹی ورلڈکپ کے پہلے وارم اپ میچ میں پاکستان نے ویسٹ انڈیز کو 7 وکٹوں سے شکست دے دی ہے۔

تفصیلات کے مطابق  پاکستان نے  131 رنز کا ہدف سولویں اوور میں حاصل کرلیا، کپتان بابر اعظم نے 50 رنز کی بہترین اننگ کھیلی اور جیت میں اہم کردار  ادا کیا۔

فخر زمان 46 رنز بنا کر ناٹ آؤٹ رہے،شعیب ملک14 رنز کے ساتھ ناٹ آؤٹ رہے، محمد رضوان 13 اور محمد حفیظ بغیر کھاتہ کھولے ہی پویلین لوٹ گئے۔

ویسٹ انڈیز کی جانب سے  ہیڈن والش جونئیر نے 2 جبکہ روی رمپاؤل نے 1 وکٹ حاصل کی۔

اس سے قبل ویسٹ انڈیز نے ٹاس جیت کر پہلے بیٹنگ  کرتے ہوئے 130 رنز بنائے۔

ہیٹ مائر نے 28، پولارڈ 23، کرس گیل 20، سیمنس18، پوران 13 جبکہ چیس نے 9 رنز بنائے۔

پاکستان کی جانب سے شاہین آفریدی،حسن علی اور حارث رؤف نے 2،2 کھلاڑیوں کو آؤٹ کیا جبکہ عماد وسیم نے 1 وکٹ حاصل کی۔

Square Adsence 300X250