غیر ملکی کھلاڑی چیف آف دی ائیر سٹاف انٹرنیشنل اسکواش ٹورنامنٹ میں شرکت کے بعد اپنے اپنے وطنوں کو روانہ ہوگئے ہیں۔
تفصیلات کے مطابق گذشتہ روز پاکستان اسکواش فیڈریشن کے سیکرٹری جنرل ونگ کمانڈر ارمغان عزیز نے بتایاکہ ٹورنامنٹ بڑی کامیابی کے ساتھ اختتام پذیر ہوا جس میں پاکستان سمیت نو ممالک کے مرد اور خواتین کھلاڑیوں نے اپنی، اپنی کیٹگریز میں حصہ لیا، جن میں چیک جمہوریہ، مصر، انگلینڈ، فرانس، سربیا، ہانگ کانگ، روس،سپین اور سوئٹزرلینڈ شامل ہیں۔
مصر کے کھلاڑی چیف آف دی ائیر سٹاف انٹرنیشنل اسکواش ٹورنامنٹ میں مرد اور خواتین کے میدانوں میں بازی لے گئے جبکہ فرانس کے کھلاڑی دوسرے نمبر پر رہے۔
مردوں کے فائنل میں مصر کے مصطفی ال سرٹی نے فرانس کے آگست ڈسورڈ کو 1ـ3 سے ہرا کر ٹائٹل اپنے نام کیا۔
خواتین کے فائنل میں مصر کی سلمی الطیب نے فرانس کی میری اسٹیفن کو 0ـ3 سے شکست دے کر چیمپئین بننے کا اعزاز حاصل کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News