پوری دنیا میں انٹرنیشنل شیف ڈے منایا گیا۔
تفصیلات کے مطابق غذائیت سے بھرپور صحت مند خوراک سے صحت مند معاشرہ جنم لیتا ہے، انٹرنیشنل شیف ڈے کے موقع پر ٹی ڈی سی پی کے انسٹیٹیوٹ میں واک کا اہتمام کیا گیا۔
اس موقع پر چیئر مین ٹی ڈی سی پی ڈاکٹر سہیل ظفر چیمہ کا کہنا تھا کہ اپنا علم نئی نسل کو ایمانداری کے ساتھ منتقل کرتے ہیں تا کہ آنے والی نسل حفاظتی صحت کے اصولوں کے مطابق لذیذ اور مزیدار پکوان تیار کر سکیں۔شیف ہونے کے ناطے یہ ہمارا فرض ہے کہ ہم اپنے آپ اور دوسروں کو صحت مند رکھیں۔
ان کا کہنا تھا کہ بچوں کی نشوونما کیلئے ضروری ہے کہ شیف ایسے پکوان متعارف کروائیں،جن سے نا صرف بچے صحت مند رہیں بلکہ ان کا مدافعتی نظام بھی مضبوط ہو،اس لئے اس سال کی تھیم”صحت مندانہ پکوان مستقبل کیلئے“، رکھی گئی ہے۔
واضح رہے ٹی ڈی سی پی کے انسٹیٹیوٹ آف ٹورازم اینڈ ہوٹل مینجمنٹ میں ایک واک کا اہتمام کیا گیا جہاں چیئر مین ٹی ڈی سی پی ڈاکٹر سہیل ظفر چیمہ تقریب کے مہمان خصوصی تھے۔
اس کے علاوہ تقریب میں طالب علموں اور مختلف مکتبہ ہائے فکر کے لوگوں نے شرکت کی جبکہ تقریب کا مقصد انٹر نیشنل شیف ڈے کی اہمیت اور اس کو منانے کے اغراض و مقاصد پر روشنی ڈالنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News