پنجاب میں امن و امان کی صورتحال سب کے سامنے عیاں ہے ، حسن مرتضیٰ

مریم اقبال

13th Oct, 2021. 05:50 pm

پیپلز پارٹی وسطی پنجاب کے جنرل سیکریٹری حسن مرتضیٰ نے کہا ہے کہ پنجاب میں امن و امان کی صورتحال سب کے سامنے عیاں ہے۔

تفصیلات کے مطابق پیپلز پارٹی وسطی پنجاب کے جنرل سیکریٹری حسن مرتضیٰ نے کہا ہے کہ مہنگائی تیزی سے بڑھ رہی ہے ، پیٹرول کی قیمت بڑھنے سے مہنگائی کا نیا طوفان آئیگا۔

انہوں نے کہا کہ پیٹرول کی قیمت بڑھی تو 16 اکتوبر کو تمام اضلاع کے پریس کلبز کے باہر مظاہرے کرینگے ، لاہور میں ڈسٹرکٹ تنظیم مظاہرہ کریگی ، ہم شرکت کرینگے۔

پیپلز پارٹی وسطی پنجاب کے جنرل سیکریٹری حسن مرتضیٰ نے کہا ہے کہ پنجاب میں امن و امان کی صورتحال سب کے سامنے عیاں ہے ، رحیم یار خان میں ایک دن میں 9افراد کا قتل پولیس کی کارکردگی پر سوالیہ نشان ہے۔

اس سے قبل پیپلز پارٹی وسطی پنجاب کے جنرل سیکریٹری حسن مرتضیٰ نے پنجاب اسمبلی میں خطاب کرتے ہوئے کہا تھا کہ رکشہ ڈرائیورز اور طلبہ سڑکوں پر ہیں، ان کی ڈیمانڈ ہے کہ ان کے پاس علاج اور روٹی کے پیسے ہوں۔ سر توڑ مہنگائی ہے، لوگ روزی کمانے کے لیے تنگ ہیں۔

انہوں نے کہا تھا کہ حکومت اعلان کرتی ہے کہ ایل ٹی سی شہر میں ہزاروں بسیں لائے گی اور لاہور میں صرف چار سو کل بسیں لائی گئیں۔

حسن مرتضیٰ نے کہا تھا کہ ایل پی جی کا 80 روپے سے دو سو روپے کلو ریٹ ہو گیا ہے لیکن کوئی پوچھنے والا نہیں ہے۔

انہوں نے کہا تھا کہ وزیر خزانہ نے گھی کا نوٹس لیا تو وہ پندرہ روپے مہنگا ہو گیا، پینسٹھ سو روپے کی ڈی او پی کی بوری ہو گئی اور سوئی گیس اور بجلی چار روپے والا یونٹ اٹھارہ روپے ہو گیا ہے۔ حکومت کر کون رہا ہے سمجھ نہیں آتا۔

ان کا کہنا تھا کہ راجہ پرویز اشرف کو چور کہتے رہے، اب یونٹ اٹھائیس روپے کا ہو گیا ہے اب کون چور ہے؟

حسن مرتضیٰ نے کہا تھا کہ اسکول مافیا لوٹ رہا ہے پر کوئی آدمی پرائیویٹ مافیا پر ہاتھ ڈالنے کے لیے تیار نہیں ہے۔

پیپلز پارٹی وسطی پنجاب کے جنرل سیکریٹری حسن مرتضیٰ کا مزید کہنا تھا کہ بہت مہنگائی ہوگئی ہے پر پھر بھی آپ کہتے ہیں گھبرانا نہیں ہے، اگرحکومت کی اجازت ہو تو زرا گھبرا لیں؟

Square Adsence 300X250