2023 میں پاکستان ایشیا کپ کا میزبان ہوگا،چیئرمین پی سی بی

Muhammad Sultan

18th Oct, 2021. 05:58 pm

پاکستان کرکٹ بورڈ (پی سی بی) کے چیئرمین رمیز راجہ نے کہا ہے کہ 2023 میں پاکستان ایشیا کپ کا میزبان ہوگا۔

تفصیلات کے مطابق پاکستان کرکٹ بورڈ (پی سی بی) کے چیئرمین رمیز راجہ نے ایشین کرکٹ کونسل کے اجلاس پر گفتگو کرتے ہوئے کہا کہ دبئی میں بھارتی کرکٹ  بورڈ  کے سربراہ سارو گنگولی سے ملاقات ہوئی جس میں ہم دونوں نے ایک دوسرے کی ٹیموں کے ٹیلنٹ پر تبادلہ خیال کیا۔

رمیز راجہ کا کہنا تھا کہ میرے ساور گنگولی کے ساتھ اچھے تعلقات ہیں، میں ان کے ساتھ کھیلا ہوں۔

چیئرمین پی سی بی کا کہنا تھا کہ پاک بھارت کرکٹ تعلقات ضروری ہیں، سیاست سے الگ رکھنا چاہئے۔

ان کا کہنا تھا کہ اجلاس میں ،میں نے یاد کروایا کہ ایشین کرکٹ کونسل کیوں بنی تھی، ایشین کرکٹ کونسل ایشیائی ممالک کا زیادتی کے خلاف اتحاد تھا۔

پاکستان کرکٹ بورڈ (پی سی بی) کے چیئرمین رمیز راجہ کا مزید کہنا تھا کہ پاکستان سے ٹیموں کے واپس جانے پر ایشین کرکٹ کونسل کو بولنا چاہئے تھا۔

Square Adsence 300X250