وزیراعلیٰ پنجاب کے معاون خصوصی اطلاعات حسان خاور کا کہنا ہے کہ پوری دنیا خوراک کے مسائل کے حوالے سے متفکر ہے۔
تفصیلات کے مطابق وزیراعلیٰ پنجاب کے معاون خصوصی اطلاعات حسان خاور نے خوراک کے عالمی دن پر پیغام دیتے ہوئے کہا کہ مناسب غذا اور خوراک کے بغیر انسانی صحت کا تصور بھی نہیں کیا جا سکتا۔
انہوں نے کہا کہ پوری دنیا خوراک کے مسائل کے حوالے سے متفکر ہے، ہماری حکومت نے خوراک کے مسئلے سے نمٹنے کیلئے سنجیدہ اقدامات اٹھائے ہیں، خوراک کا ضیاع روکنا عالمی چیلنج بن چکا ہے۔
حسان خاور نے کہا ہے کہ غذائی قلت سے پیدا ہونے والے مسائل کے بارے شعور پیدا کرنے میں عالمی یوم خوراک کا کردار بڑا اہم ہے، خوراک کی ضروریات کی ہر انسان کو یکساں فراہمی کیلئے موثر حکمت عملی وقت کا فوری تقاضا ہے۔
وزیراعلیٰ پنجاب کے معاون خصوصی اطلاعات حسان خاور نے مزید کہا ہے کہ ملک میں غذائی ضروریات کو بروقت پورا کرنے کیلئے تمام وسائل بروئے کار لائے جا رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
