وزیراعظم کے معاون خصوصی برائے صحت ڈاکٹر فیصل سلطان کا کہنا ہے کہ پمز وفاقی دارالحکومت کا سب سے بڑا سرکاری اسپتال ہے۔
تفصیلات کے مطابق وزیراعظم کے معاون خصوصی برائے صحت ڈاکٹر فیصل سلطان نے میڈیا سے گفتگو کرتے ہوئے کہا کہ جاپانی سفیر کی پاکستان میں آخری اسائنمنٹ ہے، جاپان اور پاکستان میں ستر سال سے دوستانہ تعلقات ہیں۔
انہوں نے کہا کہ ہم نے ہمیشہ دیکھا کہ حکومت جاپان ایسے پروگرام دیتی ہے جو عوام کی فلاح کے لیے ہیں، ناگہانی آفات کے لیے جاپان کی خدمات کی پوری دنیا معترف ہے۔
ڈاکٹر فیصل سلطان نے کہا ہے کہ ہماری پمز کے بارے میں بہت سی خواہشات ہیں، یہ ہمارے وفاقی دارالحکومت کا سب سے بڑا سرکاری اسپتال ہے، ہم کو پمز کا معیار بلند کرنا ہے، ہم بےتوجہی کا مظاہرہ نہیں کر سکتے۔
وزیراعظم کے معاون خصوصی برائے صحت ڈاکٹر فیصل سلطان نے مزید کہا ہے کہ پمز کو جو ریسورسیس چاہیے حکومت ان کو دے گی، ماں اور بچے کی صحت سے زیادہ اہم کچھ نہیں ہے، مجھے امید ہے کہ جب جاپان کے سفیر دوبارہ پاکستان آئیں گے تو یہاں بڑی اور مثبت تبدیلی ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News