سوئی گیس نے سی این جی اسٹیشنز کو گیس کی فراہمی معطل کرنے کا اعلان کردیا

مریم اقبال

15th Oct, 2021. 07:40 pm

سوئی گیس نے 10 روز کے لیے سی این جی اسٹیشنز کو گیس کی فراہمی معطل کرنے کا اعلان کردیا ہے۔

تفصیلات کے مطابق سوئی گیس حکام کا کہنا ہے کہ گیس کی مقدار میں کمی ہونے سے   گھریلو اور کمرشل صارفین کو گیس پہنچانے میں مشکلات کا سامنا ہے۔

سوئی گیس حکام کا کہنا ہے کہ پریشر کی کمی کے باعث سی این جی اسٹیشنز کو  16 اکتوبر بروز ہفتہ صبح 8 بجے سے 25 اکتوبر بروز پیر رات 8 بجے تک بند رکھنے کا فیصلہ کیا ہے۔

اس کے علاوہ سوئی گیس  مینجمنٹ پریشر کا جائزہ لے رہی ہے ، جیسے ہی گیس پریشر میں بہتری آئی تو سی این جی اسٹیشنز کو گیس کی ترسیل بحال کردینگے۔

Square Adsence 300X250