کامیاب پاکستان پروگرام کے اشتہار میں خاتون کی جعلی تصویر لگانے پر وزارت خزانہ نے نوٹس لے لیا ہے۔
تفصیلات کے مطابق کامیاب پاکستان پروگرام کے اشتہار میں بغیر اجازت تصویر لگانے پر خاتون نے وزارت خزانہ کو قانونی نوٹس بھجوا دیا ہے۔
ذرائع کے مطابق کامیاب پاکستان پروگرام کے اشتہار میں وزارت خزانہ نے 4 اکتوبر کو اخبارات میں اشتہار دیا تھا، اشتہار میں خاتون کی تصویر لگا کر انہیں قرض حاصل کرنے والی شخصیت ظاہر کیا گیا۔
خاتون نے موقف اختیار کیا ہے کہ انہوں نے کامیاب پاکستان پروگرام کے تحت کبھی قرض کی درخواست نہیں دی تھی۔ اشتہار میں تصویررضامندی کے بغیر شائع کی گئی۔
واضح رہےکہ وزیراعظم عمران خان نے حال ہی میں کامیاب پاکستان نامی اسکیم کا افتتاح کیا تھا، جس کے تحت اپنا کاروبار کرنے کے خواہش مند شہریوں کو لاکھوں روپے کے قرضے دئیے جائیں گے۔
اسکیم کا افتتاح کیے جانے کے بعد وزارت خزانہ کی جانب سے 4 اکتوبر کو کامیاب پاکستان پروگرام کے حوالے سے اخبارات میں اشتہار شائع کروایا گیا۔ اس اشتہار میں ایک خاتون کی تصویر لگائی گئی اور اس خاتون کو کامیاب پاکستان پروگرام کے تحت قرضہ لینے والی شخصیت ظاہر کیا گیا ۔
#KamyabPakistanProgram would be a major initiative by PM @ImranKhanPTI to alleviate poverty by empowering the deprived segments of society. The program would link low-income groups through microfinance institutions,interest-free loans,housing projects,skill dev., & health cards. pic.twitter.com/vQWJagUc0l
— Usman Dar (@UdarOfficial) October 5, 2021
واضح رہےکہ حال ہی میں وفاقی وزیر خزانہ شوکت ترین نے کامیاب پاکستان پروگرام کے بنیادی پہلوؤں پر روشنی ڈالتے ہوئے بتایا کہ اس پروگرام کو معاشرے کے محروم طبقات کو مالی لحاظ سے بااختیار بنانے کے لئے تشکیل دیا گیا ہے۔
ان کا کہنا تھا کہ اس پروگرام کے تحت 37لاکھ گھرانوں کو 14 سو ارب روپے کے قرضے دیے جائینگے۔
کامیاب کاروبار پروگرام کے تحت کاروبار کے لئے پانچ لاکھ تک بلا سود قرضے دئیے جائیں گے۔ سستا گھر اسکیم کے تحت اپنا گھر بنانے کے لئے آسان اقساط پر فنانسنگ کی سہولت میسر ہوگی۔ حکومت پاکستان کے کامیابی سے جاری اسکالر شپ اسکیم اور صحت انصاف کارڈ کو کامیاب پاکستان پروگرام کے ساتھ منسلک کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News