وزیر خارجہ مخدوم شاہ محمود قریشی نے کہا ہے کہ حکومت سے باہر بیٹھے لوگوں کے لیے صرف صبر کی دعا کرسکتا ہوں۔

تفصیلات کے مطابق وزیر خارجہ مخدوم شاہ محمود قریشی نے اپنے جاری کردہ ایک بیان میں کہا کہ تمام اداروں سے مثالی تعلقات ہیں، حکومت سے باہر بیٹھے لوگوں کے لیے صرف صبر کی دعا کرسکتا ہوں، حکومت ختم ہونے کی اپوزیشن کی خواہش پوری نہیں ہوسکتی، لولی لنگڑی اپوزیشن سے حکومت کو کوئی خطرہ نہیں۔

مخدوم شاہ محمود قریشی کا کہنا تھا کہ حکومت آئینی مدت پوری، اگلی باری پھر ہماری ہوگی، عالمی منڈی میں اضافہ کے سبب ہمیں پٹرولیم مصنوعات میں اضافہ کرنا پڑا، حکومت کی کوشش ہے کم سے کم عوام پر بوجھ ڈالا جائے، مہنگائی حکومت کے لیے بہت بڑا چیلنج ہے، ہماری اقتصادی ٹیم اس سے نبر آزما ہونے کے لیے ہوم ورک کررہی ہے، جلد مثبت نتائج سامنے آئیں گے۔

وزیر خارجہ نے کہا کہ افغانستان میں امن کی خواہش رکھتے ہیں، پاکستان ایک پر امن اور مستحکم افغانستان کا خواہاں ہے، امن کا قیام خطے کی ترقی اور خوشحالی کے لیے ناگزیر ہے۔

وزیر خارجہ مخدوم شاہ محمود قریشی کا کہنا تھا کہ ہم نے خطے میں امن کے لیے بھاری قربانی دی، ہماری خواہش ہے افغانستان میں معاشی صورتحال نہ بگڑے، حکومت خطے کی ترقی کی ترقی کے لیے وسائل فراہم کرنے میں پرعزم ہے۔