نیشنل ٹی ٹوئنٹی  کپ، سدرن پنجاب نے خیبر پختونخوا کو شکست دے دی

زاہد فاروق ملک رپورٹر

10th Oct, 2021. 08:41 pm

دینیشنل ٹی ٹوئنٹی کپ میں سدرن پنجاب نے خیبر پختونخوا کو 11 رنز سے شکست دے دی ہے۔

تفصیلات کے مطابق قذافی اسٹیڈیم میں کھیلے گئے نیشنل ٹی ٹوئنٹی کے اہم میچ میں پوائنٹس ٹیبل پر چھٹے نمبر پر موجود اے ٹی ایف سدرن پنجاب نے خیبر پختونخواکو 11 رنز سے ہرا دیا۔

خیبر پختونخوا نے ٹاس جیت کر سدرن پنجاب کو بیٹنگ کرنے دعوت دی توسدرن پنجاب نے پانچ وکٹوں پر 193 رنز بنائے۔

جواب میں خیبر پختونخواہ کی ٹیم 6 وکٹوں پر 182 رنز بنا سکی۔

194 رنز کے تعاقب میں خیبر پختونخوا کا آغاز اچھا نہ تھا اوپنرز محمد حارث اورعامر عظمت چھ چھ رنز بنا کر پویلین لوٹ گئے. کامران غلام اور نبی گل نے ٹیم کو مشکلات سے نکالنے کی کوشش کی کامران غلام نے 33 گیندوں پر چار چوکوں اور دو چھکوں کی مدد سے 46 رنز بنائے جبکہ نبی گل نے 54 کی شاندار اننگز 31 گیندوں پر کھیلی جس میں پانچ چوکے اور تین چھکے شامل تھے ،صاحبزادہ فرحان نے تین رنز بنائے آصف آفریدی 2رنز بنا کر رن آؤٹ ہوئے ،افتخار احمد نے جارحانہ اننگز کھیلی انہوں نے 21گیندوں پر 33 رنز ایک چوکے اور تین چھکوں کی مددسے بنائے اور ناٹ آؤٹ رہے۔

افتخار  احمد کے ساتھ دوسرے ناٹ آؤٹ بیٹسمین نیاز خان نے 11رنز بنائے ۔

سدرن پنجاب کی جانب سےمحمد الیاس نے دو کھلاڑیوں کو آؤٹ کیا۔

اس سے قبل سدرن پنجاب نے مقررہ 20 اوورز میں 5 وکٹوں کے نقصان پر 193 رنز بنائے اوپنر طیب طاہر نے اپنی فارم برقرار رکھتے ہوئے نیشنل ٹی ٹوئنٹی میں تیسری نصف سنچری اسکور کی ،انہوں نے 78 رنز 48 گیندوں پر آٹھ چوکوں اور تین چھکوں کی مدد سے بنائے۔

شیرون سراج نے 18،سلمان علی آغا نے 16 اعظم خا ن نے 25اور عامر یامین نے 24 رنز بنائے  جبکہ معین الدین اور یوسف بابر نے ناٹ آؤٹ رہتے ہوئے بلترتیب 8 اور14رنز بنائے۔

خیبر پختونخوا کی جانب سے عمران خان سنئیر اور نیاز خان نے دو دو کھلاڑیوں کو آؤٹ کیا۔

Square Adsence 300X250