مسلم لیگ(ن) پنجاب کی ترجمان عظمیٰ بخاری نے کہا ہے کہ عمران خان اور عثمان بزدار ایک ہی سکے کے دو رخ ہیں جس سائیڈ سے مرضی دیکھ لیں نہلے دھلے ہی نظر آئیں گے۔

تفصیلات کے مطابق مسلم لیگ(ن) پنجاب کی ترجمان عظمیٰ بخاری کا خاور حسان کی پریس کانفرنس پر ردعمل دتے ہوئے کہنا تھا کہ عثمان بزدار کو جو ترجمان خوشامد میں کمی بیشی کرتا ہے اس کو تبدیل کردیا جاتا ہے،اور ان کا صرف اتنا ہی کام ہے۔

مسلم لیگ(ن) پنجاب کی ترجمان عظمیٰ بخاری کا کہنا تھا کہ خاور صاحب آپ نے عثمان بزدار وسیم اکرم پلس ثابت کرنے کی کوشش کریں،لیکن عوام نے ہر ضمنی اور کنٹونمنٹ الیکشن میں انہیں ریجیکٹ کیا ہے۔

عظمیٰ بخاری کا کہنا تھا کہ خاور حسان اگر عثمان بزدارکو سپرمین ثابت کرنے میں ناکام ہوئے تو اگلے دن چھٹی سمجھیں،کل کے سروے میں عقل والوں کے لئے نشانیاں ہیں لیکن آپ لوگوں کیلیے نہیں ہے۔

مسلم لیگ(ن) پنجاب کی ترجمان عظمیٰ بخاری کا کہنا تھا کہ ریاست مدینہ میں لوگوں سے کررونا چندہ جمع کرکے ہیلی پیڈ نہیں بنائے جاتے تھے اور نہ ہی ٹائیگر فورس کے پیٹ بھرے جاتے ہیں،ریاست مدینہ میں لوگوں سے گھر اور نوکریوں کے نام پر جھانسہ نہیں دیا جاتا تھا۔

عظمیٰ بخاری کا کہنا تھا کہ لنگر کارڈ،پناہ کارڈ ،بیروزگاری کارڈ ،لوٹ مار کارڈ اور این آر او کارڈ عمران خان کے پسندیدہ کارڈ ہیں۔

عظمیٰ بخاری کا کہنا تھا کہ بیساکھیوں کے سہارے کھڑی تبدیلی کی عمارت جلد زمین بوس ہونے والی ہے۔

مسلم لیگ(ن) پنجاب کی ترجمان عظمیٰ بخاری کا مزید کہنا تھا کہ جس دن تبدیلی کی عمارت گری جھوٹ،پروپیگنڈہ اور الزام تراشی کی سیاست ایک ساتھ دفن ہونگے۔