آئی سی سی ٹی ٹوئنٹی ورلڈ کپ کے پہلے مرحلے میں جمعرات کو 2میچز کھیلے جائیں گے۔
شیڈول کے مطابق پہلے میچ میں بنگلہ دیش اور پاپوانیوگنی کی ٹیمیں مد مقابل ہونگی ، دوسرا میچ عمان اور سکاٹ لینڈ کی ٹیموں کے درمیان کھیلا جائیگا،دونوں میچز الامارت کرکٹ گراؤنڈ میں کھیلے جائیں گے۔
یاد ر ہے کہ ابتدائی مرحلے کے میچز 22 اکتوبر تک جاری رہیں گے اور ہر گروپ میں سرفہرست دو ٹیمیں 23 اکتوبر سے شروع ہونے والے ٹورنامنٹ کے سپر 12 مرحلے کے لیے کوالیفائی کریں گی۔
ٹورنامنٹ کا دوسرا مرحلہ 23 اکتوبر سے ابوظہبی میں شروع ہو گا ۔
24 اکتوبر کو روایتی حریف پاکستان اور بھارت کی ٹیمیں دبئی میں مدمقابل ہوں گی۔
سپر 12 مرحلے میں ہر ٹیم پانچ گروپ میچزکھیلے گی اور دونوں گروپس سے دو ٹاپ ٹیمیں سیمی فائنل کیلئے کوالیفائی کریں گی۔
ٹورنامنٹ کا پہلا سیمی فائنل میچ 10 نومبر کو ابوظہبی جبکہ دوسرا سیمی فائنل میچ 11 نومبر کو دبئی میں کھیلا جائے گا۔
میگا ایونٹ کا فیصلہ کن معرکہ14 نومبر کو دبئی انٹرنیشنل کرکٹ اسٹیڈیم میں ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News