گورنر پنجاب چوہدری محمد سرور نے کہا ہے کہ پاکستان ہنگری کے ساتھ اپنے تعلقات کو مستحکم کرنے پر یقین رکھتا ہے۔
تفصیلات کے مطابق گورنر پنجاب چوہدری محمد سرور سے ہنگری کے وزیر زراعت نے ملاقات کی جس میں پاکستان اور ہنگری کے درمیان باہمی تعلقات کے فروغ کے امور پر بات چیت کی گئی۔
ملاقات میں پاکستان اور ہنگری کے درمیان وفود کے تبادلے، ماہی گیری، زرعی بیجون کے شعبوں میں ریسرچ پر بھی بات چیت کی گئی۔
چوہدری محمد سرور نے کہا کہ پاکستان ہنگری کے ساتھ اپنے تعلقات کو مستحکم کرنے پر یقین رکھتا ہے ، بہت سے شعبوں میں پاکستان اور ہنگری ایک دوسرے کی صلاحیتوں سے استفادہ کر سکتے ہیں۔
گورنر پنجاب چوہدری محمد سرور نے کہا کہ امید ہے جی ایس پی پلس کے معاملے پر ہنگری کے یورپی ارکان پارلیمنٹ ہمارے ساتھ کھڑے ہوں گے ، ہنگری کی سفارتی ٹیم پاکستان میں باہمی تعلقات کے فروغ کے لیے بھرپور کام کر رہی ہے۔
ملاقات میں سیکریٹری زراعت اور ہنگری کے دیگر حکام نے شرکت کی۔
اس سے قبل گورنر پنجاب چوہدری محمد سرور نے میڈیا سے گفتگو کرتے ہوئے کہا تھا کہ ہیلتھ کارڈ کا اجراء ایک اہم قدم ہے ، ہمارا فوکس ڈلیوری پر ہے ، اگلے الیکشن میں ہم نے ڈلیوری کی بنیاد پر جانا ہے۔
گورنر پنجاب چوہدری محمد سرور نے کہا تھا کہ اپوزیشن کا کام جلسے جلوس کرنا ہے ، ہمیں کام کرنے اور مدت مکمل کرنے کا موقع ملنا چاہیے ، پرائم منسٹر کو مکمل اعتماد ہے وزیر اعلیٰ پر ، اسمبلی کو بھی اعتماد ہے ، اتحادی بھی وزیر اعلیٰ پر اعتماد کرتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News