پنجاب اسمبلی کا ہنگامہ خیز اجلاس کل صبح ساڑھے 11 بجے ہوگا۔
تفصیلات کے مطابق مسلم لیگ (ن) کے ارکان کل پنجاب اسمبلی کے اجلاس میں احتجاجاً کالی پٹیاں پہن کر شریک ہوں گے، پنجاب اسمبلی میں اپوزیشن لیڈر حمزہ شہباز نے مشاورتی کمیٹی کا اہم اجلاس آج پارٹی سیکرٹریٹ میں طلب کر لیا۔
ذرائع کا کہنا ہے کہ مشاورتی اجلاس میں کل کے پنجاب اسمبلی اجلاس کے حوالے سے حکمت عملی تیار کی جائے گی، مشاورتی اجلاس میں اپوزیشن لیڈر حکومت کو ٹف ٹائم دینے کے لیے اہم لیگی رہنماؤں کو ٹاسک سونپیں گے۔
ذرائع کے مطابق حمزہ شہباز پارلیمانی پارٹی کو مہنگائی، ڈینگی کیسسز میں اضافے اور اموات کا معاملہ ایوان میں اٹھانے کی ہدایت دیں گے، حمزہ شہباز شریف کی کل کے اجلاس میں شرکت کا بھی امکان ہے۔
لیگی رکن اسمبلی سمیع اللہ کا کہنا ہے کہ کل پنجاب اسمبلی کے مشاورتی اجلاس میں اہم فیصلے کئیے جائیں گے، مسلم لیگ (ن) پنجاب کی عوام کا مقدمہ ایوان میں اٹھائے گی، مہنگائی، بے روز گاری، ڈینگی سے بڑھتی اموات، پنجاب میں بگڑتی ہوئی امن و امن کی صورتحال پر آواز اٹھائیں گے۔
سمیع اللہ نے کہا کہ اپوزیشن لیڈر حمزہ شہباز کی ہدایت پر خواتین کے ساتھ بڑھتے ہوئے زیادتی کے واقعات کا معاملہ بھی کل پنجاب اسمبلی کے مشاورتی اجلاس میں اٹھائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News