خشک انجیر کو موسم سرما میں ایک بہترین ناشتہ سمجھا جاتا ہے اس میں وٹامنز، معدنیات اور اینٹی آکسیڈنٹس زیادہ مقدار میں پایا جاتا ہے۔

ماہرین کے مطابق صرف تین سے چار انجیر رات کو آدھا کپ پانی میں بھگو دیں اور اسے اگلی صبح خالی پیٹ کھائیں اور پھر اپنی صحت پر اس کے حیرت انگیز فوائد دیکھیں۔

انجیر میں پوٹاشیم کی زیادہ مقدار ہوتی ہے جو آپ کے جسم میں شوگر کی سطح کو کنٹرول کرتی ہے۔

اس کے علاوہ انجیر میں موجود کلوروجینک ایسڈ خون میں شوگر کی سطح کو کم کرنے میں مددگار ثابت ہوتا ہے۔

بھیگی ہوئی انجیر کھانے سے ٹائپ II ذیابیطس میں خون میں گلوکوز کی سطح کو بھی کنٹرول کیا جا سکتا ہے۔

 آپ سلاد، اسموتھیز، کارن فلیکس یا دودھ میں کٹے ہوئے انجیر کو شامل کر کے بھی کھا سکتے ہیں۔

انجیر میں فائبر ہوتا ہے جو آنتوں کی باقاعدہ حرکت کو برقرار رکھنے میں مدد کرتا ہے، جو لوگ وقتاً فوقتاً قبض سے نمٹتے ہیں وہ اس سے بچنے اور صحت مند آنت کو برقرار رکھنے کے لئے اپنی خوراک میں انجیر کو شامل کر سکتے ہیں۔

اگر آپ وزن کم کرنے والی غذا پر عمل کر رہے ہیں تو انجیر کو آپ کے ڈائٹ چارٹ میں بھی شامل کیا جا سکتا ہے۔

انجیر میں موجود اینٹی آکسیڈنٹس بلڈ پریشر کی سطح کو کنٹرول کرتے ہوئے جسم سے فری ریڈیکلز کو ختم کرنے میں مدد دیتے ہیں۔

کئی مطالعات سے معلوم ہوا ہے کہ انجیر جسم میں ٹرائگلیسرائیڈز کی سطح کو کم کرنے میں مددگار ثابت ہوتی ہے جو دل سے متعلق مسائل کی ایک بڑی وجہ ہے۔

اس کے علاوہ انجیر کیلشیم کی اچھی خوراک فراہم کرکے آپ کی ہڈیوں کو صحت مند رکھنے میں مدد کرتی ہے۔

ہمارا جسم خود کیلشیم پیدا نہیں کرتا جس کی وجہ سے ہمیں دودھ، سویا، سبز پتوں والی سبزیاں اور انجیر جیسے بیرونی ذرائع پر انحصار کرنا پڑتا ہے۔