قومی آرکائیوز کے ڈیجیٹلائزیشن کے عمل کو تیز کرنے کی ضرورت ہے ، صدر مملکت

وریشہ مسعودویب ایڈیٹر

18th Oct, 2021. 07:06 pm
صدر مملکت

صدر مملکت ڈاکٹر عارف علوی نے کہا ہے کہ قومی آرکائیوز کے ڈیجیٹلائزیشن کے عمل کو تیز کرنے کی ضرورت ہے۔

تفصیلات کے مطابق صدر مملکت ڈاکٹر عارف علوی کی زیر صدارت نیشنل آرکائیوز آف پاکستان کے حوالے سے اجلاس ہوا۔

اجلاس میں صدر مملکت کو بریفنگ دیتے ہوئے کہا گیا کہ حکومتی اور تاریخی ریکارڈ کے 40 لاکھ صفحات کو ڈیجیٹل ، 30،000 خستہ دستاویزات محفوظ بنائی جائیں گی۔

اجلاس کی صدارت کرتے ہوئے صدر مملکت ڈاکٹر عارف علوی نے کہا کہ قومی آرکائیوز کے ڈیجیٹلائزیشن اور تحفظ کے عمل کو تیز کرنے کی ضرورت ہے ۔

ڈاکٹر عارف علوی نے کہا کہ قومی اور تاریخی اہمیت کے ریکارڈ اور دستاویزات کو خصوصی طور پر محفوظ بنایا جائے۔

صدر مملکت کا کہنا تھا کہ آرکائیوز کے مؤثر انتظام کیلئے رہنمائی کی فراہمی کیلئے کابینہ ڈویژن ایڈوائزری بورڈ تشکیل دے۔

ڈاکٹر عارف علوی کا یہ بھی کہنا تھا کہ دستاویزات قوم کا قیمتی اثاثہ ہیں جنہیں آئندہ نسلوں کے لیے محفوظ اور ڈیجیٹل بنانے کی ضرورت ہے، تاریخی ریکارڈ کے تحفظ کے عمل کو جلد از جلد نافذ کیا جائے۔

صدر مملکت ڈاکٹر عارف علوی کا مزید کہنا تھا کہ وفاقی اور صوبائی حکومتوں کے گزٹ ، مغلیہ دور کے شاہی احکامات اور آزادی سے پہلے اور بعد کے دیگر اہم دستاویزات محفوظ کی جائیں

Square Adsence 300X250