بحیرہ عرب کے ساتھ بلوچستان کے خوبصورت ساحلی شہر گوادر میں چوتھی گوادر آف روڈ ریلی کے کوالیفائنگ راؤنڈ کا اختتام ہوگیا۔

تفصیلات کے مطابق کوالیفائنگ راؤنڈ میں25مقامی اور ب12 ایرانی ریسر سمیت 100کے قریب ریسرز نے حصہ لیا۔

 چوتھے گوادر آف روڈ جیپ ریلی کے موقع پر ملک بھر سے ریس کے شائقین بھی ساحلی شہر گوادر پہنچ گئے ،اور گوادر میں عید کا سما ہے۔

14 اکتوبر کوشروع ہونے والی گوادرروڈ ریلی کوالیفائنگ راؤنڈ آج اختتام پذیر ہوگیا، زین محمود نے پہلی، آصف فضل چوہدری اور نوبزادہ نادر خان مگسی نے بلترتیب دوسری اورتیسری پوزیشن حاصل کی جبکہ خواتین کوالیفائنگ راؤنڈ میں سلمیٰ مروت نے پہلی، تشنہ پٹیل اور ماہم شیراز نے بلترتیب دوسری اور تیسری پوزیشن حاصل کی۔

سٹاک کیٹگری میں میر نواز دشتی نے پہلی شعیب ملک اور طلحہ بن اظہر نے دوسری اور تیسری پوزیشن حاصل کی۔

گوادر آف روڈ جیپ ریلی کا240 کلومیٹر محیط ٹریک کے گوادر ،پیشکان ،گنز ،پلیری، نگور کے نیلگوں سمندر کے ساتھ صحرائی علاقے میں 16 اور 17 اکتوبر سے فائنل راؤنڈ میں ریسر زقسمت آزمائی کریں گے جن میں 4 خواتین کھلاڑی بھی شامل ہیں۔

 17 اکتوبر کی شام کو تقریب تقسیم انعامات کا بھی انعقاد کیا جائیگا جس میں ثقافتی شو ،میوزیکل نائٹ اور آتش بازی کا بھی مظاہرہ ہوگا۔