ایم کیوایم کی رابطہ کمیٹی کا پیٹرولیم مصنوعات کی قیمتوں میں ہوشربا اضافہ پر افسوس کا اظہار

انوشہ شیخ

16th Oct, 2021. 03:22 pm
ایم کیو ایم

ایم کیوایم کی رابطہ کمیٹی کی جانب سے پیٹرولیم مصنوعات کی قیمتوں میں ہوشربا اضافہ  پر افسوس کا اظہارکیا گیا ہے۔

تفصیلات کے مطابق وفاقی حکومت نے پیٹرول کی قیمتوں کو ملکی تاریخ کی بلند ترین سطح پر پہنچادیا ہے۔

رابطہ کمیٹی ایم کیوایم پاکستان کا کہنا ہے کہ موجودہ حکومت کے دور میں بجلی،گیس،آٹا اور چینی سمیت پیٹرولیم مصنوعات  کی قیمتوں میں کمی کے بجائے اندھادھند اضافہ قابل تشویش ہے، ایسا پہلی بار دیکھنے میں آیا کہ اوگرا کی سمری سے بھی بڑھ کر دگنا اضافہ کردیا گیا ہے۔

 رابطہ کمیٹی ایم کیوایم پاکستان کا مزید کہنا ہے کہ عالمی منڈی میں پیٹرولیم مصنوعات کی قیمتیں بڑھنے کا بوجھ ہربار عوام پر نہیں ڈالا جاتا، موجودہ حکومتی اقدامات سے پاکستان میں مزید مہنگائی کا سونامی آجائے گا۔

 رابطہ کمیٹی ایم کیوایم پاکستان کا یہ بھی کہنا ہے کہ موجودہ مہنگائی کو برداشت کرنا پاکستان کے عوام کیلئے ناقابل برداشت ہوگیا ہے۔

Square Adsence 300X250