پاکستان ہاکی فیڈریشن کے زیراہتمام ایشین چیمپینز ٹرافی کی تیاری کے لئے26رکنی قومی ہاکی تربیتی کیمپ جاری ہے۔
تفصیلات کے مطابق کیمپ کمانڈنٹ و ہیڈ کوچ قومی ہاکی ٹیم اولمپین خواجہ جنید کی زیرنگرانی، کوچ اجمل خان لودھی اور فزیکل ٹرینر عابد امین کھلاڑیوں کی فزیکل فٹنس اور ہاکی سکل ٹریننگ کو بہتر بنانے میں مصروف عمل ہیں۔
کیمپ کمانڈنٹ و ہیڈ کوچ اولمپین خواجہ جنید نے کہا ہے کہ پی ایچ ایف کی ایک اچھی حکمت عملی ہے کہ انہوں نے کورونا ایس او پیز کو مدنظر رکھتے ہوئے جونیئر ورلڈ کپ کی تیاری کے لئے تربیتی ہاکی کیمپ کراچی میں لگایا اور ایشین چیمپینز ٹرافی کے لئے کیمپ لاہور میں جاری ہے۔
ان کا کہنا تھا کہ لاہور میں جاری قومی سینئر ہاکی کیمپ کا بنیادی ٹارگٹ دسمبر میں بنگلہ دیش میں منعقد ہونے والی ایشین چیمپینز ٹرافی میں شرکت اور تیاری ہے۔
انہوں نے کہا کہ اس وقت کوئی ٹیم پاکستان نہیں آرہی اور نہ ہی پاکستان کہیں کھیلنے جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News