شاہ محمود قریشی کل ایران روانہ ہوں گے

وریشہ مسعودویب ایڈیٹر

25th Oct, 2021. 06:38 pm
شاہ محمود قریشی

وزیر خارجہ شاہ محمود قریشی کل ایران روانہ ہوں گے۔

سفارتی ذرائع کے مطابق وزیر خارجہ شاہ محمود قریشی کے ہمراہ وفد میں سیکرٹری خارجہ سہیل محمود اور نمائندہ خصوصی برائے افغانستان محمد صادق خان بھی شامل ہوں گے۔

  سفارتی ذرائع کا کہنا ہے کہ وزیر خارجہ ایران میں افغانستان کے ہمسایہ ممالک پلس روس کی ایک بین الاقوامی کانفرنس میں شرکت کریں گے جبکہ 27 اکتوبر کو ہونے والی انفرنس میں روس اور چین سمیت افغانستان کے6 ہمسایہ ممالک کے وزرائے خارجہ شرکت کریں گے۔

 سفارتی ذرائع کے مطابق وزیر خارجہ کو کانفرنس میں شرکت کی دعوت ایرانی وزیر خارجہ حسین امیر عبداللہیان نے دی تھی۔ کانفرنس میں امارات اسلامی افغانستان کے وفد کی شرکت بھی متوقع ہے جبکہ کانفرنس میں روس، چین، پاکستان، ایران، تاجکستان، ازبکستان اور ترکمانستان کے وزرائے خارجہ و اعلیٰ حکام شرکت کریں گے۔

سفارتی ذرائع کا کہنا ہے کہ کانفرنس میں افغانستان میں انسانی بنیادوں پر مداد کی فراہمی، طالبان عبوری حکومت کے اپنے وعدوں پر عملدرآمد، افغانستان میں انسانی حقوق کی صورتحال پر تبادلہ خیال کیا جائے گا۔

سفارتی ذرائع کا یہ بھی کہنا ہے کہ افغانستان عبوری حکومت میں مختلف نسلی گروہوں کی شمولیت کے حوالے سے معاملات پر بھی تبادلہ خیال کیا جایے گا جبکہ شاہ محمود قریشی کانفرنس کی سائیڈ لاینز پر روس، چین،ایرانی، تاجک و دیگر ہم منصبوں سے ملاقاتیں کریں گے۔

سفارتی ذرائع کا مزید کہنا ہے کہ دورے کے دوران وزیر خارجہ کی ایران کے صدر سید ابراہیم رئیسی سمیت ایرانی سیاسی قیادت سے بھی ملاقاتوں کا امکان ہے۔

Square Adsence 300X250