ملک بھر کی طرح لیاقت پور میں بھی 25 نومبر سے پیٹرول پمپس بند کرنے کا فیصلہ ہوا ہے۔
تفصیلات کے مطابق مرکزی چیئرمین عبد السمع خان کے حکم پر لیاقت پور میں پیٹرول پمپس بند کرنے فیصلہ کیا گیا ہے۔
چیئرمین عبد السمع خان کا کہنا تھا کہ حکومت نے یقین دہانی کے باوجود کمیشن میں اضافہ نہیں کیا۔
واضح رہے کہ کچھ روز قبل آل پاکستان پیٹرول پمپس ڈیلرز ایسوسی ایشن نے ملک بھر میں ہڑتال کا اعلان کیا تھا۔
سیکرٹری اطلاعات آل پاکستان پیٹرول پمپس ڈیلرز ایسوسی ایشن نعمان علی بٹ کا کہنا تھا کہ 25 نومبر کو ملک بھر میں پیٹرول پمپس بند رہیں گے۔
ان کا کہنا تھا کہ گلگت بلتستان، آزاد جموں کشمیر اور چترال میں بھی پیٹرول پمپس بند رہیں گے، حکومت نے ہمارے مطالبات تسلیم نہیں کئے۔
انہوں نے کہا تھا کہ جب تک ڈیلر مارجن 6 فیصد نہیں کیا جاتا حکومت سے مزاکرات نہیں ہوں گے، حکومت نے مطالبات تسلیم کرنے کی یقین دہانی کروائی تھی۔
سیکرٹری اطلاعات آل پاکستان پیٹرول پمپس ڈیلرز ایسوسی ایشن نعمان علی بٹ کا مزید کہنا تھا کہ حکومت کی یقین دہانی کے بعد 5 نومبر کی ہڑتال کی کال واپس کی تھی، حکومت نے یقین دہانی پر کوئی عمل در آمد نہیں کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News