صوبائی وزیر صحت ڈاکٹر یاسمین راشد کا کہنا ہے کہ ہمارے دورمیں ڈاکٹرزکی ریکارڈ بھرتیاں اور ترقیاں کی گئی ہیں۔
تفصیلات کے مطابق صوبائی وزیر صحت ڈاکٹر یاسمین راشد نے سروسزہسپتال کے تھوراسک سرجری ڈیپارٹمنٹ کے نئے وارڈ کا افتتاح کیا ہے۔
اس موقع پر ڈاکٹر یاسمین راشد نے اظہار خیال کرتے ہوئے کہا کہ آج تھوراسک سرجری ڈیپارٹمنٹ میں مریضوں کو بہترسہولیات کی فراہمی پر خوشی محسوس ہورہی ہے۔
انہوں نے کہا کہ انتہائی اہم ورکشاپ میں مدعو کرنے پر پروفیسرڈاکٹرطیبہ وسیم، پروفیسرڈاکٹرشعیب نبی اور ڈاکٹرخالد کا شکریہ اداکرتی ہوں۔
ڈاکٹر یاسمین راش نے کہا کہ ورکشاپس کے ذریعے ٹرینی ڈاکٹرزکو بہتراندازمیں مریضوں کا خیال رکھناسیکھا سکتے ہیں۔
واضح رہے کہ اس موقع پر پرنسپل سروسزانسٹی ٹیوٹ آف میڈیکل سائنسزپروفیسرڈاکٹر طیبہ وسیم، ایم ایس سروسزہسپتال ڈاکٹراحتشام الحق، ہیڈ آف ڈیپارٹمنٹ پروفیسرڈاکٹرشعیب نبی، صدرچیسٹ کانفرنس ڈاکٹرخالد، ڈاکٹروقاص حسین اور ڈاکٹراحمدعلی کے علاوہ ڈاکٹرزکی کثیرتعداد نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News