کراچی: شارع فیصل سے متصل عمارت نسلہ ٹاور کے اطراف دفعہ 144 نافذ کر دی گئی۔
اس حوالے سے ڈپٹی کمشنرایسٹ کی جانب سے نوٹی فیکیشن جا ری کر دیا گیا ہے، جس کے مطا بق نسلہ ٹاور کے اطراف چار سے زائد افراد کے جمع ہونے پر پابندی عائد ہے۔
نوٹی فیکیشن کے مطابق چار سے زائد افراد نسلہ ٹاور کے اطراف جمع نہیں ہو سکتے ، ا حتیاطی رو کاوٹیں عبور کرنے پر بھی مکمل پابندی عائد کر دی گئی۔
نوٹی فیکیشن میں کہا گیا ہےکہ احکامات کی خلاف ورزی کرنے والوں کے خلاف دفعہ 144 کے تحت کارروائی کی جائے گی۔
ڈپٹی کمشنرایسٹ کا کہنا ہےکہ پابندی کا اطلاق نسلہ ٹاورمکمل مسمار ہونے تک برقرار رہے گا۔
گزشتہ روز خرم شیرزمان نے کہا کہ پہلے دن سے تحریک انصاف نسلہ ٹاورمتاثرین کے ساتھ ہے۔
پی ٹی آئی رہنما خرم شیر زمان نے پریس کانفرنس کرتے ہوئے کہا کہ سندھ حکومت متاثرین کوپیسے دے ، آباد کے ارکان کوڈنڈے مارے گئے،شدید مذمت کرتا ہوں ، چیف جسٹس سے فیصلے پر نظر ثانی کی درخواست کرتا ہوں۔
انہوں نے کہا کہ پنجاب میں کبھی کسی بلڈر نے شکایات نہیں کی ، صوبے میں 6 ماہ کیلئے گورنر راج لگانا چاہیے ، نسلہ ٹاور کے متاثرین کو پیسہ دینا سندھ حکومت کی ذمہ داری ہے۔
خرم شیر زمان نے کہا کہ پہلے دن سے تحریک انصاف نسلہ ٹاورمتاثرین کے ساتھ ہے ، سندھ حکومت متاثرین کوپیسے دے۔
دوسری جانب سینئرسیاسی رہنما فاروق ستار نے بھی کہا کہ نسلہ ٹاور کو گرانے کا فیصلہ انسانی المیہ پیدا کررہا ہے ، تجاوزات کے نام پر لوگوں کو بے گھر کیا گیا ، کسی فیصلے سے انسانی المیہ جنم لے تو یہ سوالیہ نشان ہے ، صوبےکو90 فیصد ٹیکس دینے والے کو مفلوج کیاجارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News