آل پاکستان کار کیرئیر ایسوسی ایشن نے کل سے ہڑتال کا اعلان کردیا ہے۔

صدر آل پاکستان کار کیرئیر ایسوسی ایشن امداد حسین نے پریس کانفرنس کرتے ہوئے کہا کہ میں انتہائی افسوس کے ساتھ اس بات کا اظہار کر رہا ہوں کہ 20 نومبر کو کار کیرئیر گاڑیوں کو لوڈ کر کے نکالا، ہمارے کار کیریر کے عملہ کو ڈبل کیبن والوں نے اغواء کیا اور کنڈیارو میں 2 برینڈنیو لینڈ کروزر لیکر فرار ہوگئے۔

ان کا کہنا تھا کہ ایجنسیوں کو اس کی اطلاع دی گئی، گورنر سندھ کو ہم نے شکایت کی انہوں نے آئی جی سے رابطہ کیا، انہوں نے ہمیں یقین دہانی کروائی کہ ملزمان گرفتار کرلیے جائیں گے، ہم نے سیکریٹری داخلہ اور دیگر کو بھی آگاہ کیا۔

انہوں نے کہا کہ گزشتہ رات پھر ایک واقعہ رونما ہوا، پورٹ قاسم سے ریوو اور کرولا برینڈنیو گاڑیاں لیکر پشاور بھیجا جارہا تھا، پھر اسی گاڑی نے دوبارہ نئی گاڑیاں لیکر فرار ہوگئے، صبح 8 بجے ہمارے ملازم نے بتایا کہ ہمیں میرپور خاص سے اغواء کیا اور پھر خیرپور پر ہاتھ پاؤں باندھ کر چھوڑا گیا، قیمتی گاڑیاں چھینی اور اتاری جاری ہیں۔

امداد حسین نے کہا کہ ہم نے یہ فیصلہ کیا ہے کل سے پورے پاکستان میں کار کیرئیر کا کام بند کر رہے ہیں، ہم 25 نومبر سے کار کیرئیر والےغیر معینہ مدت تک ہڑتال پر جا رہےہیں اور لوڈنگ بند کر رہے ہیں، جب تک قانون نافذ کرنے والوں سے مطالبہ کرتے ہیں جب تک ہمارے تحفظ کا بندوبست نہں ہوتا ہم کام بند رکھیں گے۔

ان کا کہنا تھا کہ صدر آل پاکستان کار کیرئیر ایسوسی ایشن امداد حسین نے مزید کہا کہ اٹھائی جانے والی گاڑیوں میں ایک ترکش ایمبیسی کی گاڑی تھی، دوسری گاڑی ایک سینیٹر کے نام پر بک کروائی گئی تھی، دونوں گاڑیاں ابھی تک ریکور نہیں ہوسکی، واردات میں استعمال ہونے والی گاڑی پر جعلی نمبر پلیٹ کراچی کی لگی ہیں۔

یونائیٹڈ گڈزٹر انسپورٹ الائنس پاکستان غلام یاسین خان کا کہنا تھا کہ متواتر یہ واقعات رونما ہو رہے ہیں، اگر حکومت نے ہمارے تحفظ کا کام نہیں کیا تو ہم  72 گھنٹوں میں گڈز کا کام بند کر دیں گے۔