کراچی: پی آئی اے کا بوئینگ 777 طیارہ 19 ماہ سے گراونڈ

Tanzeela qureshi

28th Nov, 2021. 02:00 pm

پی آئی اے کے بوئنگ 777 جہاز کے ناکارہ اور غائب ہونے سے متعلق اطلاعات کو پی آئی اے ترجمان نے مسترد کردیا ہے۔

 ترجمان پی آئی اے عبداللہ خان کا کہنا ہے کہ جہاز کے ناکارہ ہونے میں کوئی صداقت نہیں، جہاز لانگ اسٹوریج میں کھڑا ہے، کورونا پابندیوں کے باعث بوئنگ 777 جہازوں کا استعمال بہت کم ہو گیا تھا، اس وجہ سے جہاز لانگ اسٹوریج میں کھڑا ہے۔

عبداللہ خان کا کہنا تھا کہ کورونا کی عالمی فضائی پابندیاں کم ہونے پر جہاز کو دوبارہ استعمال میں لایا جائے گا، سعودی عرب کا فضائی روٹ بحال ہونے پر بوئنگ 777 جہازوں کا استعمال بڑھ جائے گا، لانگ روٹس پر پروازیں شروع ہونے سے بوئنگ جہازوں کا استعمال بڑھتے ہی طیارہ آپریشنل کر دیا جائے گا۔

ترجمان پی آئی اے نے کہا کہ اینٹی ہائی جیکنگ مشق میں جہاز سے ٹرک ٹکرایا تھا، جہاز کو پہنچنے والے جزوی نقصان کی مرمت کروا لی گئی تھی۔

Square Adsence 300X250