سابق لیجنڈ بلے باز محمد یوسف کو قومی کرکٹ ٹیم کا عارضی بیٹنگ کوچ جب کہ عمر گل کو بولنگ بنانے جانے کا امکان ہے۔
بول نیوز کے مطابق محمد یوسف اس وقت پی سی بی کے نیشنل ہائی پرفارمنس سینٹر میں بیٹنگ کوچ کی ذمہ داریاں نبھارہے ہیں، پاکستان کرکٹ بورڈ نے ویسٹ انڈیز کے خلاف سیریز کے لیے محمد یوسف کو قومی کرکٹ ٹیم کا بیٹنگ کوچ بنانے کا فیصلہ کیا ہے۔
اس کے علاوہ سابق فاسٹ بولر عمر گل کو عارضی طور پر قومی اسکواڈ کے بولنگ کوچ کی ذمہ داریاں سونپے جانے کا امکان ہے۔
مصباح الحق اور وقار یونس کے مستعفی ہونے کے بعد پاکستان کرکٹ ٹیم مٰں عارضی بنیادوں پر کوچز مقرر کئے گئے ہیں، ٹی 20 ورلڈ کپ سے ثقلین مشتاق ہیڈ کوچ کے فرائض سر انجام دے رہے ہیں، میگا ایونٹ میں آسٹریلیا کے میتھیو ہیڈن پاکستان کے بیٹنگ کنسلٹنٹ مقرر کئے گئے تھے، جنوبی افریقا کے ورنون فلنڈر میگا ایونٹ کے بعد دورہ بنگلا دیش میں بھی قومی ٹیم کے بولنگ کنسلٹنٹ ہیں۔
پی سی بی ذرائع کا کہنا ہے کہ قومی ٹیم کے مستقل کوچز کے لئے جلد اشتہار دیا جائے گا۔
واضح رہے کہ ویسٹ انڈیز کی ٹیم وائٹ بال سیریز کے لئے 9 دسمبر کو کراچی پہنچے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News