دنیا میں دریادلی کا ایک حیرت انگیز واقعہ حال ہی رپورٹ ہوا ہے جب ایک صارف نے بیکری کے معمولی بل پر ملازم کو پورے دوہزار کی ٹپ دے ڈالی ہے۔
امریکی شہر نبراسکا میں واقع ایک چھوٹٰ سی بیکری کے ملازم اس وقت حیران رہ گئے جب ایک صارف نے صرف پانچ ڈالر کا سامان خریدا اور ٹپ میں دوہزار ڈالر یعنی پاکستانی سواتین لاکھ روپے بطور ٹپ دیئے۔
تفصیلات کے مطابق بیلی ویو میں واقع اوماہا بیکری میں ایک شخص نکولس آیا جس نے سموسےنما کوئی شے خریدی اور اس کا بل صرف پانچ ڈالر بنا تھا۔ جیب بیکری کا ملازم پریسٹن راتھ ادب سے گاہک کے پاس گیا اور اس نے بل پر ٹپ کی جگہ پر اس سے کچھ لکھنے کو کہا تو صارف نے وہاں دوہزار کا ہندسہ لکھا۔
پہلے یہ گمان ہوا کہ شاید یہ کوئی غلطی تھی ۔ اس پر ملازم نے گاہک سے کہا کہ یہ بہت زیادہ ٹپ ہے جو درست نہیں، تو اس پر گاہک نے کہا کہ آگر آپ ہاں نہیں بھریں گے تو میں بنا ٹپ دیئے چلا جاؤں گا۔ اس پر ملازم نے اوکے کہا اور وہ ٹپ ادا کردی گئی۔
اس دلچسپ واقعے کے بعد اوماہا بیکری نے ٹپ والی رسید کی تصاویر جاری کی ہیں جو اس وقت سوشل میڈیا پر وائرل ہورہی ہیں۔ اس کے بعد دوہزار ڈالر کی رقم تمام ملازمین میں یکساں طور پر تقسیم کی گئی ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News