پاکستان میں مزید 324 افراد میں کورونا کی تشخیص

وریشہ مسعودویب ایڈیٹر

29th Nov, 2021. 12:40 am
کورونا

پاکستان میں آج مزید 324 افراد میں مہلک وائرس کی تشخیص ہوئی جس کے بعد ملک بھر میں کورونا وائرس سے متاثرہ افراد کی تعداد 1282190 تک پہنچ گئی ہے۔

تفصیلات کے مطابق ملک بھر میں آج مزید 324 افراد میں مہلک وائرس کی تشخیص ہوئی جن میں سندھ سے 37 ، خیبرپختونخوا میں 33 ، آزاد کشمیر میں 7 ،اسلام آباد میں 101جبکہ پنجاب میں 146 کورونا وائرس کے کیسز کی تصدیق ہوئی ہے۔

اعداد و شمار کے مطابق پاکستان میں کورونا وائرس سے متاثرہ مریضوں کی تعداد اس وقت سندھ میں 474219 ، بلوچستان میں 32471 ، خیبرپختونخوا میں 179961 ، اسلام آباد میں 107626 ، گلگت بلتستان میں 10409 ، پنجاب میں 442950 اور آزاد کشمیر میں 34554 مریض موجود ہیں۔

پاکستان میں کورونا وائرس سے آج مزید 11 افراد جان کی بازی ہار گئے جس کے بعد اموات کی تعداد 28714 ہوگئی جبکہ متاثرہ مریضوں کی تعداد 28424 ہے۔

پنجاب میں کورونا وائرس سے 6جبکہ خیبرپختونخوا میں کورونا وائرس سے 5افراد جاں بحق ہوئے جس کے بعد ملک بھر میں کورونا وائرس سے جاں بحق افراد کی مجموعی تعداد 28714 ہے۔

پاکستان میں کورونا وائرس سے جاں بحق مریضوں کے اعداد و شمار کے مطابق اس وقت سندھ میں 7621، بلوچستان میں 359، خیبرپختونخوا میں 5838 ، آزاد کشمیر میں 742 ،اسلام آباد میں 952 ، گلگت بلتستان میں 186 ، پنجاب میں 13016 افراد جان کی بازی ہار چکے ہیں۔

Square Adsence 300X250