میاں اسلم اقبال کا کہنا ہے کہ مصنوعی مہنگائی پیدا کرکے غریبوں کی جیب پر ڈاکہ ڈالنے والے ہر ظالم کا ہاتھ روکنا ہے۔
صوبائی وزیر صنعت وتجارت میاں اسلم اقبال نے گرانفروشی کی روک تھام کے حوالے سے متعلقہ اداروں کو ہدایات جاری کر دی ہیں۔
انہوں نے کہا کہ ناجائز منافع خوروں اور ذخیرہ اندوزوں کے خلاف بلاامتیاز کارروائیاں جاری رکھی جائیں اور اشیائے ضروریہ کی مارکیٹوں میں دستیابی اور قیمتوں پر کڑی نظر رکھی جائے۔
اسلم اقبال نے کہا کہ سستے و ماڈل بازاروں میں بھی معیاری اشیاء کی وافر فراہمی یقینی بنائی جائے، مہنگائی کی روک تھام کے ذمہ دار اداروں کے افسران فیلڈ میں رہ کر مانیٹرنگ کریں۔
صوبائی وزیر کا کہنا ہے کہ غریب کا استحصال کرنے والے ہر مافیا کو مربوط کاوشوں سے شکست دینا ہے، غریب طبقات کی فلاح حکومت کی پہلی ترجیحی ہے، مصنوعی مہنگائی پیدا کر کے غریبوں کی جیب پر ڈاکہ ڈالنے والے ہر ظالم کا ہاتھ روکنا ہے۔
اسلم اقبال نے کہا کہ اشیائے ضروریہ کی بلا جواز قیمتیں بڑھا کر غریب کا خون چوسنے والے کسی رعایت کے مستحق نہیں، اشیائے ضروریہ کی مقررہ نرخوں پر فراہمی یقینی بنانا متعلقہ اداروں اور افسران کی ذمہ داری ہے۔
انہوں نے مزید کہا کہ اس سلسلے میں غفلت یا کوتاہی کسی صورت برداشت نہیں، منڈیوں میں نیلامی کے عمل کی نگرانی جاری رکھی جائے، آٹا، چینی اور دالوں پر دی جانے والی سبسڈی کے ثمرات عام آدمی کو ملنے چاہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News