ملتان سمیت جنوبی پنجاب میں ڈینگی کے کیسز میں کمی

Web Desk

30th Nov, 2021. 12:03 pm

ملتان سمیت جنوبی پنجاب میں ڈینگی کے کیسز میں کمی ہوئی ہے۔

تفصیلات کے مطابق ملتان نشتر اسپتال میں ڈینگی وارڈ میں 6 مریض زیرعلاج ہیں۔

نشتراسپتال کے ترجمان کا کہنا ہے کہ زیرعلاج 5 مریضوں میں ڈینگی کی تصدیق جبکہ 1 مریض کی رپورٹ کا انتظار ہے۔

نشتراسپتال کے ترجمان نے مزید بتایا کہ گزشتہ چوبیس گھنٹوں کے دوران 1 نیا مریض رپورٹ ہوا ہے۔

واضح رہے کہ ڈینگی میں مبتلا مریضوں کا تعلق جنوبی پنجاب سے ہے۔

ڈینگی کیا ہے؟

ڈینگی کے وائرس کی 4 اقسام ہیں ، ڈینگی آدھےسے زیادہ دنیا میں پھیلا ہوا ہے اور تقریباً ہر ملک میں اس کے متاثرہ لوگ موجود ہیں۔ ڈینگی دو انواع کے مادہ مچھروں کے ذریعے پھیلتا ہے ، ڈینگی کے کاٹے جانے کے بعد جب انسانوں میں علامات ظاہر ہوں تو اسی بندے سے تقریباً12 دن تک جینس کے مچھروں کے ذریعے وائرس پھیلتا جاتا ہے۔

 ڈینگی سے کیسے بچا جائے؟

 ڈینگی کے مرض سے بچاؤ کے لیے سب سے اہم چیز یہ ہے کہ کسی بھی جگہ پانی جمع نہ ہونے دیا جائے۔ عام لوگوں کی توجہ صرف گندے پانی کی جانب جاتی ہے لیکن اس مرض کو پھیلانے میں اہم ترین کردار صاف پانی ادا کرتا ہے اور مچھر دانیوں اور اسپرے کا استعمال لازمی ہے کیوں کہ ایک مرتبہ یہ مرض ہوجائے تو اس وائرس کو جسم سے ختم ہونے میں دو سے تین ہفتوں تک کا وقت لگ سکتا ہے۔

اس کے علاوہ بارش کے بعد اکثر گھروں کے آس پاس یا لان ، صحن وغیرہ میں پانی جمع ہو تو اسے فوراً نکال کر وہاں اسپرے کرنے سے ڈینگی سے بچاؤ ممکن ہے۔

Square Adsence 300X250