Advertisement
Advertisement
Advertisement

اومی کرون کے پھیلاؤ کا خدشہ ؛ سندھ میں بوسٹر ڈوز لازمی قرار دینے کا فیصلہ

Now Reading:

اومی کرون کے پھیلاؤ کا خدشہ ؛ سندھ میں بوسٹر ڈوز لازمی قرار دینے کا فیصلہ
Advertisement

محکمہ صحت سندھ نے کورونا کی نئی قسم اومی کرون کے پھیلاؤ کے خدشے کے پیش نظ بوسٹر ڈوز کو لازمی قرار دینے کا فیصلہ کرلیا۔

سیکرٹری صحت سندھ  ذوالفقار شاہ کا اس حوالے سے کہنا ہےکہ دنیا میں کورونا وائرس کی نئی خطرناک قسم اومی کرون کے کیسز سامنے آنے کے بعد شہریوں کو ویکسین کی بوسٹر ڈوز لگانے کا فیصلہ کیا گیا ہے۔

انہوں نے کہا کہ فائزر ویکسین بطور بوسٹر ڈوز لگائی جائے گی، فائزر کی بوسٹر ڈوز مفت لگانے کا فیصلہ کیا گیا ہے۔

سیکرٹری صحت نے کہا کہ بوسٹر ڈوز لگانے کا فیصلہ گزشتہ رات ہوا ہے، میکنزم تیار کرنے کے بعد باقاعدہ اعلان کیا جائے گا۔

واضح رہےکہ عالمی ادارہ صحت نے کورونا کی نئی قسم اومی کرون کو تشویشناک قرار دے دیا۔

Advertisement

عالمی ادارہ صحت کا کہنا ہےکہ نئی قسم اومی کرون کی خصوصیات پریشان کن ہیں، امریکا میں بھی اومی کرون کے کیسز ہوسکتے ہیں۔

ڈبلیو ایچ او کا اس حوالے سے مزید کہنا ہےکہ کئی ہفتے بعد پتہ چلے گا کہ موجودہ ویکسینز اومی کرون کے خلاف کس قدر موثر ہیں۔

عالمی ادارہ صحت کے مطابق ابتدائی شواہد سے پتہ چلا ہےکہ اس نئی قسم میں ری انفیکشن کا خطرہ دیگر اقسام سے زیادہ ہے۔

بین الاقوامی ذرائع ابلاغ کے مطابق کورونا وائرس کی اس نئی قسم کو اومی کرون کا نام دیا گیا ہے اور اس کے پہلے کیسز جنوبی افریقا میں دریافت کیے گئے تھے۔

اس کے بعد متعدد ممالک بشمول برطانیہ، کینیڈا اور امریکا نے جنوبی افریقا اور اس کے ارد گرد خطے کے ممالک پر سفری پابندیاں عائد کر دی ہیں۔

کورونا وائرس کی اس نئی قسم کے سامنے آنے کے بعد ایک بار پھر یہ خدشات بڑھ رہے ہیں کہ کووڈ 19 کے خلاف تمام کوششیں ناکافی ثابت ہو سکتی ہیں اور اگر اس نئی قسم سے متعلق سائنسدانوں کے خدشات درست ہیں تو دنیا بھر میں کورونا کی ایک نئی لہر آ سکتی ہے۔

Advertisement

کورونا کی اس نئی قسم کی دریافت کی اہم بات یہ ہے کہ اس وائرس کے جینیاتی ڈھانچے میں بہت زیادہ تبدیلیاں موجود ہیں۔

اسی وجہ سے ایک سائنسدان نے اس نئی قسم کے کورونا وائرس کو ہولناک قرار دیا تو ایک سائنسدان کا کہنا ہے کہ یہ اب تک سامنے آنے والے تمام وائرس سے خطرناک ہے۔

ایسے میں یہ سوالات جنم لے رہے ہیں کہ وائرس کی یہ نئی قسم کتنی تیز رفتار سے پھیل سکتی ہے اور اس میں کورونا کی ویکسین کے خلاف کتنی مدافعت موجود ہے۔

سب سے اہم سوال یہ ہے کہ کورونا کی اس نئی قسم کا توڑ کیا ہے؟

اس نئی قسم کے بارے میں تمام تر خدشات کے باوجود ان سوالوں کے سب جواب اب تک سائنسدانوں کے پاس بھی نہیں۔

 

Advertisement
Advertisement
مزید پڑھیں

Catch all the Business News, Breaking News Event and Latest News Updates on The BOL News


Download The BOL News App to get the Daily News Update & Live News


Advertisement
آرٹیکل کا اختتام
مزید پڑھیں
اسمگلنگ کی روک تھام؛ وزیراعظم نے اہم اجلاس آج طلب کرلیا
ڈی آئی جی آپریشنز کا یوم شہادت حضرت علیؓ کے مرکزی جلوس کے روٹ کا دورہ
پاکستان پیپلز پارٹی کی جانب سے اہم اعلان سامنے آ گیا
وفاقی وزیر داخلہ کی وزیر اعلیٰ کے پی علی امین گنڈا پور سے ملاقات
عدلیہ میں کسی قسم کی مداخلت برداشت نہیں کی جائےگی، چیف جسٹس
وزیر اعظم سے آل پاکستان نیوز پیپرز سوسائٹی کے وفد کی ملاقات
توجہ کا مرکز میں پاکستان سے مقبول انٹرٹینمنٹ

اگلی خبر