پٹرولیم ڈیلرز نے کل سے ہڑتال کا اعلان کر دیا ہے۔
تفصیلات کے مطابق لاہور میں پٹرولیم ڈیلرز ایسوسی ایشن کے رہنما نے پریس کانفرنس کرتے ہوئے کہا کہ پیٹرول کی فروخت پر مارجن بڑھایا جائے، فی لٹر پٹرول سیل کا مارجن 6 فیصد مقرر کیا جائے۔
مرکزی ترجمان خواجہ عاطف نے کہا کہ اگر حکومت نے مطالبات تسلیم نہ کئے تو کل سے تمام پٹرول پمپس بند ہو جائیں گے، پہلے 5 نومبر ہڑتال کا اعلان کیا، حماد اظہر نے تحریری طور پر ہمیں لکھ کر دیا کہ 10 دن میں عمل درآمد کر دیں گے، ہڑتال ملک گیر ہو گی، مطالبات پورے نہ ہونے تک پٹرول پمپس بند رہیں گے۔
واضح رہے کہ پاکستان پیٹرولیم ڈیلرز ایسوسی ایشن کے ملک بھر میں ہڑتال کے اعلان کے بعد پاکستان بھر میں پٹرول پمپس پر رش بڑھ گیا ہے۔
پیٹرولیم ڈیلرز ایسوسی ایشن نے پیٹرول پمپ مالکان کو کل بروز 25 نومبر کی صبح 6 بجے سے پیٹرول پمپ بند رکھنے کی ہدایت کی ہے۔
ہڑتال کے اعلان کے بعد ملک بھر میں مختلف پیٹرول پمپس پر شہریوں نے پیٹرول کے حصول کے لئے لمبی لمبی لائنیں لگا لی ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News