حسان خاور کا کہنا ہے کہ پنجاب کے عوام آج بھی ن لیگ کی پالیسیوں کے نتائج بھگت رہے ہیں۔
پنجاب حکومت کے ترجمان حسان خاور نے شہباز شریف اور عظمیٰ بخاری کے بیانات پر ردعمل دیتے ہوئے کہا کہ چوری اوپر سے سینہ زوری، یہ ہے ن لیگ کا اصل بیانیہ۔
انہوں نے کہا کہ اپنے آپ کو سچا ثابت کرنے کیلئے شور مچانا ن لیگ کا وطیرہ رہا ہے، پنجاب کے عوام آج بھی ن لیگ کی پالیسیوں کے نتائج بھگت رہے ہیں۔
حسان خاور نے کہا کہ انہوں نے ملک کو قرضوں کی دلدل میں پھنسایا اور خمیازہ عوام بھگت رہے ہیں، لمبے بوٹوں، نوٹوں اور تصویروں کی سیاست کے علاوہ ن لیگ نے کیا ہی کیا ہے۔
پنجاب حکومت کے ترجمان کا کہنا ہے کہ گیس کا انتظامی بحران ورثے میں ملا، عہدہ براء ہونے کیلئے حکمت عملی بنائی جا رہی ہے۔ شہباز شریف عثمان بزدار کی فہم و فراست کا مقابلہ نہیں کر سکتے،عثمان بزدار نے سادگی اور بچت کی عمدہ مثالیں قائم کی ہیں۔
حسان خاور نے مزید کہا کہ ن لیگ عدلیہ اور اداروں کا جس قدر احترام کرتی ہے، سب کے سامنے ہے، ن لیگ نے اداروں کو جیسے استعمال کیا، کسی سے ڈھکا چھپا نہیں، کرپشن سے صبح کا آغاز اور کرپشن پر دن کا اختتام، یہ تھا ن لیگ کا پرانا پاکستان۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News