سابق چیئرمین سینیٹ میاں رضا ربانی کا کہنا ہے کہ آئین کے تحت اسٹوڈنٹ یونین کا انتخاب طلباء کا بنیادی حق ہے۔
انہوں نے اپنے بیان میں کہا ہے کہ ضیاء الحق نے اقتدار کو طول دینے کیلئے طلبہ تحریک کو کمزور کیا ہے۔
میاں رضا ربانی نے کہا کہ طلبہ یونینز پر پابندی سے سیاسی جماعتوں کی ترقی متاثر ہوئی ہے، طلباء یونین کی کمزوری کے سیاسی جماعتوں پر منفی اثرات پڑے۔
ان کا کہنا ہے کہ بلوچستان سے لاپتہ دونوں طلباء کو فوری بازیاب کرایا جائے اور یونیورسٹییز میں آزادی سے تعلیم کے حصول کی اجازت دی جائے۔
سابق چیئرمین کا کہنا ہے کہ بلوچستان میں سیکورٹی اہلکاروں کو یونیورسٹی کیمپس سے نکالا جائے، گرفتار طلباء کو رہا کیا جائے اور درج مقدمات واپس لئے جائیں۔
انہوں نے کہا کہ حکومت شعبہ تعلیم کے وفاقی، صوبائی بجٹ میں اضافہ کرے اور حکومتیں سینیٹ کمیٹی کی سفارشات پر عملدرآمد کریں۔
میاں رضا ربانی نے مزید کہا کہ حکومت طلبہ یونینز کو فوری طور پر بحال کریں، حکومت سندھ کے پاس طلباء یونین کی بحالی میں تاخیر کا جواز نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News